સુરત : નિ:શુલ્ક કૃત્રિમ હાથ-પગ બેસાડી આપવા માટેના કેમ્પનું સ્વામિનારાયણ ગોકુલધામ-નાર દ્વારા આયોજન

સ્વામિનારાયણ ગોકુલધામ-નાર દ્વારા સુરત જિલ્લાના પલસાણા તાલુકાના મલેકપુર ખાતે અંજુમન હાઈસ્કૂલમાં નિ:શુલ્ક કૃત્રિમ હાથ-પગ બેસાડી આપવા માટે કેમ્પનું આયોજન કરવામાં આવ્યું છે.

સ્વામિનારાયણ ગોકુલધામ-નાર દ્વારા સમાજમાં ધર્મ, જ્ઞાતિ, પંથના ભેદભાવ વિના વિવિધ સ્વરૂપે દરેક સમાજને મદદ કરવામાં આવી રહી છે. અકસ્માતે હાથ અને પગ ગુમાવનાર લોકોને આ સંસ્થા મદદ કરે છે. સુરત જિલ્લાના પલસાણા તાલુકાના મલેકપુર ખાતે અંજુમન હાઈસ્કૂલમાં તા. ૦૪.૧૨.૨૦૨૨ના રોજ સવારે ૯.૦૦થી સાંજના ૪.૦૦ કલાક સુધી નિ:શુલ્ક કૃત્રિમ હાથ-પગ બેસાડી આપવા માટે કેમ્પનું આયોજન કરવામાં આવ્યું છે. આ કેમ્પમાં હાઇટેક પ્રોસ્થેટિક લિમ્સની સાથે પોલીયોગ્રસ્ત જરૂરિયાતમંદોને કેલીબર પણ અર્પણ કરવામાં આવશે. આવા દર્દીઓએ રજિસ્ટ્રેશન માટે મોબાઈલ નંબર 9875013038 ઉપર નામ નોંધણી કરાવવા સંસ્થાના હરિકૃષ્ણ સ્વામીએ જરૂરિયાતમંદોને અપીલ કરી છે.