સુરેન્દ્રનગરના વઢવાણના પૂર્વ ધારાસભ્ય અને હાલ પ્રદેશ ભાજપના ઉપાધ્યક્ષ વર્ષા દોશીએ એક અનોખા અભિયાનની શરૂઆત કરી હતી,જે અંતર્ગત સતત 15 વર્ષથી બધી બહેનો ભેગી મળીને વૃક્ષને રાખડી બાંધીને રક્ષાબંધન પર્વની ઉજવણી કરે છે. 

સુરેન્દ્રનગર જિલ્લાના વઢવાણ તાલુકાના પૂર્વ ધારાસભ્ય અને હાલમાં પ્રદેશ ભાજપના ઉપાધ્યક્ષ વર્ષા દોશી સતત 15 વર્ષથી 1500 થી વધુ મહિલાઓ સાથે સૌથી પહેલા રાખડી વૃક્ષને બાંધે છે, અને લોકોને વધુમાં વધુ વૃક્ષનું વાવતેર કરવા માટે પ્રેરણા આપે છે,તેમજ વૃક્ષના ઉછેર તેની કાળજી રાખવા માટે વૃક્ષને રાખડી બાંધવાની અનોખી પરંપરા આજે પણ અતૂટ રહી છે. 

આ પ્રસંગે વર્ષા દોશી સાથે ગરબે રમતા રમતા આ અનોખા રક્ષાબંધનની ઉજવણીમાં એમ.એલ.દોશી સ્ત્રી ઉત્તર બુનિયાદી કોલેજની વિદ્યાર્થીનીઓએ પણ ઉત્સાહભેર  ભાગ લીધો હતો.