વલસાડ: યુવક પાસેથી 500ની ડુપ્લીકેટ નોટો ઝડપાઈ, લાખોનો મુદ્દામાલ રંગેહાથ ઝડપાયો

વલસાડ જિલ્લાના અંતરિયાળ વિસ્તાર એવા કપરાડામાં એસઓજીની ટીમે એક યુવકને 500 રૂપિયાના દર ની 586 ડુપ્લીકેટ નોટો સાથે ઝડપી પાડ્યો. એસઓજીની ટીમે યુવકને 500 રૂપિયાની 586 ડુપ્લીકેટ નોટ મળી કુલ 2.93 લાખના મુદ્દામાલ સાથે રંગેહાથ ઝડપી પાડ્યો હતો.

વલસાડના કપરાડા વિસ્તારમાં ડુપ્લીકેટ નોટો સાથે એક યુવક કપરાડા તાલુકાના અલગ અલગ વિસ્તારોમાં ફરી રહ્યો હોવાની બાતમી એસઓજીને મળી હતી. જેને લઈને એસઓજીએ કપરાડા આરટીઓ ચેકપોસ્ટ પાસે વોચ ગોઠવી હતી. જેને આધારે બાતમીવાળો યુવક મોટરસાયકલ પર આવતા તેને ઝડપી પાડવામાં આવ્યો હતો. જેનું નામ પૂછતાં કિશન કાળું જણાવ્યું હતું. આ યુવકની અંગઝડતીમાં યુવકને રૂપિયા 500ના દરની 586 ડુપ્લીકેટ નોટ મળી આવી હતી. વધુ પુછપરછ કરતાં આ યુવકને મહારાષ્ટ્રના ત્રંબાય્ક વિસ્તારમાંથી માધવ બામણે નામના ઈસમે આ જથ્થો આપ્યો હતો અને તેના કહ્યા મુજબ ડિલિવરી કરવાનો હતો. જેમાં આ યુવકને 5000નું કમિશન મળવાનું હતું અને આ નોટ નો જથ્થા પેટે 40 હજાર રૂપિયા લેવા આવનાર હતા. હાલ સમગ્ર મામલે આરોપીની ધરપકડ કરી મહારાષ્ટ્રના માધવ બામનેને વોન્ટેડ જાહેર કરી વધુ તપાસ પોલીસ કરી રહી છે.