એવોકાડો સ્વાસ્થય માટે છે ખૂબ જ ફાયદાકારક, આ 6 કારણોથી તેને આહારનો ભાગ બનાવો

ફળો આપણા સ્વાસ્થ્ય માટે ખૂબ જ ફાયદાકારક હોય છે. આથી જ ડોક્ટરો દ્વારા પણ આપણને આપણા આહારમાં વિવિધ ફળોનો સમાવેશ કરવાની સલાહ આપે છે. દરેક ઋતુમાં અલગ-અલગ પ્રકારના ફળ જોવા મળે છે, જે સારું સ્વાસ્થ્ય જાળવવામાં મદદ કરે છે. એવોકાડો આ ફળોમાંથી એક છે, જે ખાવાથી ઘણા સ્વાસ્થ્ય લાભ થાય છે.

એવોકાડો મોનોઅનસેચ્યુરેટેડ ફેટી એસિડ્સ (MUFA) થી ભરપૂર છે, જે હૃદય માટે ખૂબ જ ફાયદાકારક માનવામાં આવે છે. ઉપરાંત, તે તમને લાંબા સમય સુધી પેટ ભરેલું રાખે છે, જે આપણને વધુ પડતું ખાવાથી અટકાવે છે. આ સિવાય આહારમાં એવોકાડો સામેલ કરવાના બીજા પણ ઘણા ફાયદા છે. તો ચાલો જાણીએ તેના કેટલાક ફાયદાઓ વિષે....

વજન ઘટાડવુ :-

જો તમે વજન ઘટાડવા માંગતા હોવ તો એવોકાડો એક ઉત્તમ વિકલ્પ સાબિત થશે. તેમાં રહેલ હેલ્ધી ફેટ વજનને નિયંત્રિત કરવામાં મદદ કરી શકે છે. કેલરીથી ભરપૂર હોવા છતાં, એવોકાડો તમારા વજન ઘટાડવાના પ્રયત્નોને અવરોધતું નથી.

કોલેસ્ટ્રોલનું સ્તર ઘટાડવું :-

એવોકાડો લિપિડ પ્રોફાઇલ સુધારવામાં મદદ કરે છે. તે "ખરાબ" કોલેસ્ટ્રોલ ઘટાડે છે અને "સારા" કોલેસ્ટ્રોલને વધારે છે. આ સિવાય તેમાં રહેલ ઉચ્ચ પોટેશિયમ તત્વ બ્લડ પ્રેશર ઘટાડવામાં મદદ કરે છે, જે તેને હૃદયના સ્વાસ્થ્ય માટે પણ ફાયદાકારક બનાવે છે.

ડાયાબિટીસમાં અસરકારક :-

જો તમે પ્રકાર 2 ડાયાબિટીસ અથવા ઇન્સ્યુલિન પ્રતિકાર સાથે સંઘર્ષ કરી રહ્યાં છો, તો એવોકાડો તમારા રક્ત શુગર સ્તરને નિયંત્રિત કરવામાં મદદ કરે છે. તેને આહારમાં સામેલ કરવાથી ઇન્સ્યુલિન અને ગ્લુકોઝના સ્તરમાં વધારો થતો અટકાવી શકાય છે, જેનાથી ડાયાબિટીસ સંબંધિત ગૂંચવણોનું જોખમ ઘટે છે.

આંતરડાના આરોગ્યમાં સુધારો :-

એવોકાડો આંતરડાના માઇક્રોબાયોમ પર હકારાત્મક અસર કરીને આંતરડાના સ્વાસ્થ્યને સુધારે છે. એવોકાડો લોહીના પ્રવાહમાં ચરબીનું શોષણ ઘટાડીને વજન વ્યવસ્થાપનમાં પણ ફાળો આપે છે.

મગજ કાર્યમાં સુધારો :-

લ્યુટીનથી ભરપૂર એવોકાડો મગજના કાર્યને સુધારવામાં પણ મદદરૂપ માનવામાં આવે છે. તેનું નિયમિત સેવન વૃદ્ધાવસ્થામાં મેમરી કાર્યને વધારી શકે છે.

આંખો માટે ફાયદાકારક :-

એવોકાડોમાં જોવા મળતા એન્ટીઑકિસડન્ટ લ્યુટીન અને ઝેક્સાન્થિન આંખના સ્વાસ્થ્યને પ્રોત્સાહન આપે છે. એવોકાડોનું સેવન કરવાથી મેક્યુલર પિગમેન્ટ વધે છે, જે દ્રષ્ટિ સુધારવા અને વય-સંબંધિત મેક્યુલર ડિજનરેશન સામે રક્ષણ આપવા માટે મહત્વપૂર્ણ છે.