અંકલેશ્વર: વોર્ડ નંબર 9માં ઉભરાતી ગટરના પ્રશ્ને સ્થાનિકો ત્રાહિમામ, કોન્ટ્રાકટર દ્વારા કામગીરી અધૂરી છોડી દેવાઈ !

અંકલેશ્વર નગર સેવાસદના વોર્ડ નંબર 9માં ગુજરાત હાઉસિંગ બોર્ડની સોસાયટીના મુખ્ય માર્ગ પર ઉભરાતી ગટરના કારણે સ્થાનિકો ત્રાહિમામ પોકારી ઊઠ્યા છે. કોન્ટ્રાક્ટર દ્વારા કામગીરી અધુરી છોડી દેવામાં આવતા સ્થાનિકોએ મુશ્કેલીનો સામનો કરવાનો વારો આવી રહ્યો છે.

અંકલેશ્વર નગરપાલિકાના વોર્ડ નંબર ૯માં આવેલી ગુજરાત હાઉસિંગ બોર્ડ સોસાયટના મુખ્ય માર્ગ ઉપર ઉભરાતી ગટરના પાણીથી લોકો ત્રાહિમામ પોકારી ઉઠ્યા છે. સ્થાનિક મહિલાઓએ ગટરના પાણીની દુર્ગંધ અંગે ચૂંટાયેલા નગરસેવકો તેમજ પાલિકાના સતાધિશો પરત્વે રોષ ઠાલવ્યો હતો.સોસાયટીના મુખ્ય માર્ગ ઉપર જ છેલ્લા ચાર દિવસોથી ગટરોનું પાણી ઉભરાતા ગંદકીનું સામ્રાજ્ય ઉભું થયું છે. સોસાયટીમાં પારાવાર દુર્ગંધથી લોકો ત્રાહિમામ પોકારી ઉઠ્યા છે તો બાળકો બીમાર પડી રહ્યા હોવાની પણ ફરિયાદો ઉઠી છે.સ્થાનિકોના જણાવ્યા પ્રમાણે છેલ્લા ત્રણ મહિનાથી રોડ ડ્રેનેજનું કામ કોન્ટ્રાકટર અધુરુ છોડી જતો રહ્યો છે. આ અંગે પાલિકાના સતાધિશોને અનેક વાર રજુઆતો કર્યા છતાં આ સમસ્યાનું કોઈ નિરાકરણ આવ્યું નથી