બજેટ સત્ર: PM મોદી આજે રાજ્યસભામાં આભાર પ્રસ્તાવ પર જવાબ આપશે, લોકસભામાં કોંગ્રેસ પર કર્યા હતા પ્રહારો..!

વડાપ્રધાન નરેન્દ્ર મોદી સંસદના ચાલુ બજેટ સત્ર દરમિયાન ગુરુવારે બપોરે 2 વાગ્યે રાજ્યસભામાં રાષ્ટ્રપતિના અભિભાષણ માટે આભાર પ્રસ્તાવનો જવાબ આપશે. રાજ્યસભાના અધ્યક્ષ જગદીપ ધનખરે બુધવારે પ્રસ્તાવ પર છેલ્લા સ્પીકર બોલ્યા પછી કહ્યું કે વડાપ્રધાન આવતીકાલે (ગુરુવારે) બપોરે 2 વાગ્યે જવાબ આપશે. રાજ્યસભામાં રાષ્ટ્રપતિના અભિભાષણ પર આભાર પ્રસ્તાવ પરની ચર્ચા બુધવારે સમાપ્ત થઈ ગઈ. રાષ્ટ્રપતિ દ્રૌપદી મુર્મુએ બજેટ સત્રના પહેલા દિવસે 31 જાન્યુઆરીએ લોકસભા અને રાજ્યસભાની સંયુક્ત બેઠકને સંબોધિત કરી હતી.

આ પહેલા બુધવારે પીએમ મોદીએ લોકસભામાં જવાબ આપ્યો હતો. આ દરમિયાન તેમણે વિપક્ષ ખાસ કરીને કોંગ્રેસ પર નિશાન સાધ્યું હતું. કોંગ્રેસના કાર્યકાળની ખામીઓને ગણીને પીએમ મોદીએ ગૃહમાં પોતાની વાત રાખી. સાથે જ કોંગ્રેસે સવાલ ઉઠાવ્યો હતો કે વડાપ્રધાન મોદીના જવાબમાં ક્યાંય પણ અદાણીનો ઉલ્લેખ નથી.

વડાપ્રધાન નરેન્દ્ર મોદીના ભાષણ બાદ કોંગ્રેસ નેતા રાહુલ ગાંધી ફરી એકવાર મીડિયા સામે આવ્યા છે. તેમણે કહ્યું કે પીએમએ કોઈપણ મુદ્દા પર જવાબ આપ્યો નથી. અદાણી કેસ પર વડાપ્રધાન મોદીએ કશું કહ્યું ન હતું. વડાપ્રધાને રાષ્ટ્રીય સુરક્ષા સલાહકારને કંઈ કહ્યું ન હતું. એવું લાગે છે કે પીએમ મોદી બધાને બચાવવાનો પ્રયાસ કરી રહ્યા છે.