ભારતે પાકિસ્તાનથી આવતી તમામ પ્રકારની ફ્લાઇટ્સ માટે હવાઈ ક્ષેત્રમાં પ્રવેશ પર મૂક્યો પ્રતિબંધ

પહેલગામ આતંકવાદી હુમલા બાદ પાકિસ્તાન વિરુદ્ધ એક પછી એક કાર્યવાહી કરવામાં આવી રહી છે.

તાજેતરના ઘટનાક્રમમાં, ભારતે પાકિસ્તાનથી આવતી તમામ પ્રકારની ફ્લાઇટ્સ માટે તેના હવાઈ ક્ષેત્રમાં પ્રવેશ પર પ્રતિબંધ મૂક્યો છે. 

30 એપ્રિલ (સાંજે 6.30 વાગ્યા) થી 2 મે (રાત્રે 11.59 વાગ્યા) સુધી પાકિસ્તાનની તમામ પ્રકારની વાણિજ્યિક અને લશ્કરી ફ્લાઇટ્સ પર પ્રતિબંધ મૂકવામાં આવ્યો છે. આ સંદર્ભમાં, ભારતે NOTAM (એરમેનને સૂચના) જારી કરી છે.

નોટિસ ટુ એર મિશન (NOTAM) એ એક પ્રકારની વાતચીત પ્રણાલી છે જેના દ્વારા ફ્લાઇટમાં હાજર કેબિન ક્રૂને મહત્વપૂર્ણ માહિતી મોકલવામાં આવે છે. આ એક અત્યંત ગુપ્ત માહિતી પ્રણાલી છે, જેને હેક કરવી અત્યંત મુશ્કેલ છે. નોટિસ ટુ એર મિશન સિસ્ટમ હેઠળ, હવામાન, જ્વાળામુખી ફાટી નીકળવો, હવાઈ ક્ષેત્રમાં પ્રતિબંધો, કોઈપણ પેરાશૂટ જમ્પ, રોકેટ લોન્ચ અને લશ્કરી કવાયત જેવી ખૂબ જ સંવેદનશીલ અને મહત્વપૂર્ણ માહિતી વિમાનના પાઇલટને મોકલવામાં આવે છે જેથી વિમાનને હવાઈ મુસાફરી દરમિયાન કોઈ અનિચ્છનીય ઘટનાનો સામનો ન કરવો પડે. NOTAM માં રનવે બંધ થવા, એરપોર્ટ પર જાળવણી કાર્ય, હવામાનના જોખમો અથવા ફ્લાઇટની સલામતીને અસર કરી શકે તેવી અન્ય કોઈપણ બાબત વિશે માહિતી હોય છે. NOTAM સરકારી સંસ્થા દ્વારા જારી કરવામાં આવે છે, જે ખાતરી કરે છે કે માહિતી સચોટ અને વિશ્વસનીય છે.