હિટ એન્ડ રનના કાયદા સામે બસ-ટ્રક ચાલકોનો વિરોધ, અનેક પેટ્રોલ પંપ પર લાગી લાઈન.!

હિટ એન્ડ રન કાયદામાં કડક સજાના વિરોધમાં ડ્રાઇવરોની હડતાળનો આજે બીજો દિવસ છે. દિલ્હી, ઉત્તર પ્રદેશ, મધ્યપ્રદેશ, બિહાર, ઉત્તરાખંડ સહિત અનેક રાજ્યોમાં હડતાળની અસર જોવા મળી રહી છે.

ઉત્તર પ્રદેશની રાજધાની લખનૌમાં હિટ એન્ડ રન કેસ અંગેના નવા કાયદા સામે યુપી સ્ટેટ ટ્રાન્સપોર્ટ બસ ડ્રાઇવરો હડતાળ પર ઉતરી ગયા હતા. છત્તીસગઢના રાયપુરમાં હિટ એન્ડ રન કાયદા સામે ટ્રક ચાલકોના વિરોધને કારણે લોકોને મુશ્કેલીનો સામનો કરવો પડ્યો હતો. સવારથી જ પેટ્રોલ પંપ પર લાંબી કતારો જોવા મળી હતી.

તમને જણાવી દઈએ કે નવા કાયદા હેઠળ, હિટ એન્ડ રન અને અકસ્માતની જાણ ન કરવા માટે ડ્રાઇવરોને 10 વર્ષ સુધીની જેલ અને દંડની જોગવાઈ છે. અગાઉ, IPC કલમ 304A (બેદરકારીથી મૃત્યુનું કારણ) હેઠળ આરોપીને માત્ર બે વર્ષની જેલ થઈ શકતી હતી.