ઉત્તરાખંડ : મસુરીની હોટલમાં શોર્ટ સર્કિટના કારણે લાગી ભીષણ આગ, આખી હોટલ બળીને ખાખ, કોઈ જાનહાનિ નહીં.....

ઉત્તરાખંડના મસુરીમાં કેમલ રોડ પર આવેલી એક હોટલમાં ભુષણ આગ લાગવાનો બનાવ સામે આવ્યો હતો. અહી બે વાહનોને બાદ કરતાં સમગ્ર હોટલ બળીને ખાખ થઈ ગઈ હતી. ઘટનાની જાણ થતાં જ ફાયર બ્રિગેડની ટીમ વાહનો સાથે ઘટનાસ્થળે દોડી આવી હતી અને પાણીનો મારો ચલાવી આગ પર કાબુ મેળવવાના પ્રયાસો ચાલી રહ્યા છે. મળતી માહિતી અનુસાર આગ લાગવા સમયે હોટલમાં કુલ 8 લોકો હજાર હતા. જેને પોલીસ અને ફાયરબ્રિગેડની ટીમ દ્વારા બચાવી લેવામાં આવ્યા હતા. આ હોટેલ પર્વતીય વિસ્તારમાં આવેલી હોવાથી આગની જ્વાળા સમગ્ર વિસ્તારમાં ઉડવા લાગી હતી. સદભાગ્યે આ બનાવમાં કોઈ જાનહાનિ ન થતાં લોકોએ રાહત અનુભવી હતી. આ હોટલમાં રિનોવેશનનું કામ ચાલી રહ્યું હતું. ત્યારે મોદી રાતે શોર્ટ સર્કિટના કારણે આગ લાગી હતી. આગ લાગવાથી તેના ધુમાડાના ગોટે ગોટા સમગ્ર પંથકમાં ફેલાતા લોકોમાં ભયનો માહોલ જોવા મળ્યો હતો.