ભારતીય પૈરા એથલીટ દીપા મલિકે લીધો સંન્યાસ

પૈરાલમ્પિક રજત પદક વિજેતા દીપા મલિકે સંન્યાસની જાહેરાત કરી હતી જેથી તે રાષ્ટ્રીય રમત કોડને માનીને ભારતીય પેરાલમ્પિક સમિતિ (પીસીઆઇ)ના અધ્યક્ષ પદને સંભાળી શકે.

રાષ્ટ્રીય રમત નિયમ અનુસાર કોઇ પણ હાલની ખેલાડી મહાસંઘમાં આધિકારીક પદ લઇ શકે નહીં. આ નિયમને ધ્યાને રાખીને તેમણે સંન્યાસ લીધો છે.

દીપાએ કહ્યું કે, "મેં ચૂંટણી માટેનો પત્ર પીસીઆઈને સોંપી દીધો છે. હું નવી સમિતિને માન્યતા આપવા અંગે હાઈકોર્ટના નિર્ણયની રાહ જોઈ રહ્યો છું અને હવે હું કેન્દ્રીય રમત મંત્રાલય પાસેથી માન્યતા મેળવવા માટે રમતથી નિવૃત્તિ લેવાની ઘોષણા કરું છું. હવે પેરા-રમતોની સેવા કરવાનો અને અન્ય ખેલાડીઓની મદદ કરવાનો સમય આવી ગયો છે."

તેમણે કહ્યું કે નિવૃત્તિની જાહેરાત કરવી મહત્વપૂર્ણ છે. મારે દેશના નિયમોનું પાલન કરવું છે. પરંતુ જો જરૂર હોય તો, હું 2022 એશિયન ગેમ્સ દરમિયાન મારા નિર્ણયની સમીક્ષા કરી શકું છું. મને ખબર નથી કે મારી અંદરનો ખેલાડી કદી સમાપ્ત થશે કે નહીં.

તેમણે વધુમાં કહ્યું કે મેં આ નિર્ણય ભારે હૃદયથી લીધો છે. પરંતુ મારે રમતની સુધારણા માટે આ કરવાનું હતું. જો મારે પીસીઆઈમાં પદ લેવું હોય તો મારે કાયદાનું પાલન કરવું પડશે.

દીપા ભારતની પ્રથમ મહિલા ખેલાડી છે જેણે પેરાલિમ્પિક ગેમ્સમાં મેડલ જીત્યો હતો. તેણે રિયો પેરાલિમ્પિક્સ -2016 માં ગોલાફેંકમાં રજત પદક જીત્યો હતો. તેણે પેરા એથ્લેટિક્સ ગ્રાન્ડ પ્રિકસમાં એફ -53 / 54 કેટેગરીમાં ભાલાફેંકમાં ગોલ્ડ મેડલ જીત્યો હતો.

ગત્ત વર્ષે 29 ઓગસ્ટે તેમને રાજીવ ગાંધી ખેલ રત્ન એવોર્ડ મળ્યો હતો. તે આ એવોર્ડ મેળવનારી ભારતની બીજી પેરા એથ્લેટ હતી અને ભારતની પ્રથમ મહિલા પેરા-એથ્લેટ પણ. તેમના પહેલાં, ભાલાફેંક ખેલાડી દેવેન્દ્ર ઝાઝેરિયાએ આ એવોર્ડ 2017માં જીત્યો હતો.

આ અગાઉ દીપાને 2012 માં અર્જુન એવોર્ડ અને 2017 માં પદ્મશ્રી એવોર્ડ મળ્યો હતો. 49 વર્ષીય દીપા પાસે 58 રાષ્ટ્રીય અને 23 આંતરરાષ્ટ્રીય ચંદ્રકો છે.