કરજણ: RR સેલે ટોલનાકા પાસેથી અખાધ્ય ગોળના જથ્થા સાથે ૧ ઇસમની કરી અટકાયત

પોલીસે રૂપિયા એક લાખ ઉપરાંતનિ અખાધ્ય ગોળનો જથ્થો કર્યો સીલ

કરજણના ટોલનાકા પાસેથી આર આર સેલ દ્વારા રૂપિયા એક લાખ ઉપરાંતના અખાદ્ય ગોળના જથ્થા સાથે એક ઈસમને ઝડપી પાડયો હતો.વડોદરા આરઆર સેલ દ્વારા કરજણના ટોલનાકા પાસેથી રૂપિયા એક લાખ ઉપરાંતના અખાદ્ય ગોળના જથ્થા સાથે એક ઈસમને ઝડપી પાડતા અખાદ્ય ગોળનો વેપલો કરનારાઓમાં ભારે ફફડાટ વ્યાપી જવા પામ્યો છે.

પોલીસ સુત્રીય માહિતી અનુસાર વડોદરા આર આર સેલના પોલીસ કર્મીઓ કરજણ નજીક ટોલનાકા પાસે પેટ્રોલિંગમાં હતા. તે દરમિયાન મળેલી બાતમીના આધારે અખાદ્ય ગોળનો જથ્થો ભરેલો એક આઈસર ૪૦૭ ટેમ્પો નંબર જીજે - ૧૬ - એયુ - ૦૬૧૩ જે ભરૂચ તરફથી વડોદરા તરફ જઈ રહ્યો હતો તે ટેમ્પો કરજણ ટોલનાકા પાસે આવતા આર આર સેલના પોલીસ કર્મીઓેએ ટેમ્પો કોર્ડન કરી ટેમ્પોને રોકી ટેમ્પોની સઘન તલાશી લેતા ટેમ્પોમાં અખાદ્ય ગોળનો જથ્થો જણાઇ અાવ્યો હતો.

આર આર સેલે ટેમ્પો ચાલક ભરતભાઇ ગોવિંદભાઇ તડવી રહે. લાછરજ તા. નાંદોદ જિ. નર્મદાનાઓની પૂછપરછ કરતાં આ ગોળનો જથ્થો અંકલેશ્વર ગોયા બજારમાં આવેલી ગાંધી અરવિંદકુમાર ચંદુલાલ નામની દુકાનેથી ભરી લઇ આવી કેલનપુર તા. જિ. વડોદરાના પ્રવિણભાઇ કેસુરભાઇ પ્રજાપતિનાઓને આપવા જવાનું જણાવ્યું હતું.

પોલીસે કોઈ પણ જાતના પરવાના વગર અધિકારપત્ર વિના લઇ જવાતા અખાદ્ય ગોળની બેગ નંગ ૧૬૦ કિલોગ્રામ ૪,૮૦૦ કિંમત રૂપિયા ૧,૨૦,૦૦૦, ટેમ્પો કિંમત રૂપિયા ચાર લાખ તથા મોબાઈલ કિંમત રૂપિયા ૫૦૦ મળી કુલ રૂપિયા ૫,૨૦,૫૦૦ ના મુદ્દામાલ સાથે ટેમ્પો ચાલક ભરતભાઇની ધરપકડ કરી તેમજ અન્ય બે ઇસમો વિરૂધ્ધ કરજણ પોલીસ મથકમાં ગુનો રજીસ્ટર કરાવેલ છે.