કચ્છ : સફેદ રણમાં આકાશ બનશે રંગબેરંગી, ધોરડો ખાતે આંતરરાષ્ટ્રીય પતંગ મહોત્સવનું કરાયું આયોજન

કચ્છ જિલ્લાના ધોરડો ખાતે સફેદ રણમાં આગામી શનિવારે આંતરરાષ્ટ્રીય પતંગોત્સવની ઉજવણી કરવામાં આવશે. ત્યારે 15 જેટલા દેશ તેમજ ભારતના 4 રાજ્યો અને કચ્છ મળી 95 જેટલા પતંગરસિયાઓ સફેદ રણમાં પતંગ ઉડાડવાની મોજ માળશે.

કચ્છને પ્રવાસન ક્ષેત્રે આગવું સ્થાન પ્રાપ્ત થાય તે માટે દર વર્ષની જેમ આ વર્ષે પણ રાજ્ય સરકાર દ્વારા ધોરડો ખાતે આંતરરાષ્ટ્રીય પતંગ મહોત્સવ-2020નું આગામી તા. 11મી જાન્યુઆરીના રોજ આયોજન કરાયું છે. જેમાં વિવિધ દેશોના તેમજ ભારતના વિવિધ રાજયોના પતંગબાજો ભાગ લઈ પતંગ મહોત્સવને સફળ બનાવશે.

કચ્છના આંગણે આંતરરાષ્ટ્રીય પતંગ મહોત્સવની ઉજવણીમાં દેશ-વિદેશના અવનવા પતંગો સાથેના કરતબો માણવાની લોકોને તક પ્રાપ્ત થશે, ત્યારર ભુજ પ્રાંત અધિકારી મનીષ ગુરવાણીએ જણાવ્યું હતું કે, પતંગોત્સવમાં 15 દેશો પૈકી ફ્રાન્સ, અર્જેન્ટિના સહિતના 47 સભ્યો, ભારતના 4 રાજ્યો પૈકી રાજસ્થાન, પંજાબ, કેરલા તેમજ કચ્છ જિલ્લાના 13 પતંગરસિકો જોડાવાના છે. હાલ તંત્ર દ્વારા આંતરરાષ્ટ્રીય પતંગ મહોત્સવ-2020ની તડામાર તૈયારીઓ ચાલી રહી છે.