વર્કિંગ વુમન માટે રાત્રિના ડિનરમાં શું બનાવું તેને લઈને હંમેશા મૂંઝવણ રહે છે. એવી કઈ વાનગી બનાવી જે પરિવારના લોકોને પસંદ પણ આવે અને રાત્રિનો ભોજનનો વિકલ્પ પણ બને.
દિવસભર કામ કર્યા બાદ વર્કિંગ વુમન સાંજે ઓછી મહેનતમાં જલદી બની જાય તેવી વાનગી બનાવવાનું જ પસંદ કરશે. આજની રેસીપીમાં આજે વર્કિંગ વુમન મહિલાઓની મૂંઝવણ દૂર કરીશું.
આ વાનગી નાસ્તા અને ભોજનનો બંને વિકલ્પ બનશે. તેમજ ઘરના વડીલો કે જેઓ તળેલા ખોરાક ખાવાનું પસંદ કરતા નથી તેમને પણ પસંદ આવશે. ખૂબ જ ઓછા તેલ અને મસાલા વગર બનતા આ કોર્ન અપ્પેની વાનગીને તમે બાળકોને ટિફિનમાં પણ આપી શકો છો. આવી જાણીએ કોર્ન અપ્પે બનાવવાની સરળ રીત.
કોર્ન અપ્પે બનાવવા માટે સામગ્રી
આ વાનગીમાં તમે ઝીણાં સમારેલા લીલા મરચાં, 1 નાનો ટુકડો છીણેલું આદુ, અડધી ચમચી સરસવના દાણા અને 5-6 પાન લીમડો અને સ્વાદ પ્રમાણે મીઠું સામગ્રીમાં લો.
- 1 કપ કોર્ન અપ્પે બનાવવા સ્વીટ કોર્ન
- 1 કપ રવો
- 1/5 દહીં (અડધો કપ)
- 1 ઝીણી સમારેલી ડુંગળી
- 1/2 બેકિંગ સોડા અથવા ઈનો
- તેલ – તળવા માટે
કોર્ન અપ્પે બનાવવાની રીત
- આ વાનગી બનાવવા તમે સૌ પ્રથમ એક વાસણમાં સોજી લો. પછી તેમાં દહીં નાખી હલાવી લો. ત્યારબાદ તેમાં થોડું હૂંફાળું ગરમ પાણી જરૂરિયાત મુજબ મિકસ કરો. ધીરે-ધીરે પાણી નાખી તમે એક સ્મૂધી બેટર બનાવો.
- આ મિશ્રણને તમે 15થી 20 મિનિટ રેસ્ટ કરવા માટે એરટાઈટ વાસણમાં મૂકી દો. આ સમય થઈ ગયા બાદ તેમાં બાફેલી મકાઈ, ડુંગળી, લીલા મરચાં, આદુ અને ધાણાજીરું નાખી હલાવી લો. પછી તેમાં સ્વાદ મુજબ મીઠું ઉમેરો.
- આ પછી એક નાની કઢાઈ અથવા વઘારિયામાં થોડું તેલ ગરમ કરો. તેલ ગરમ થાય એટલે તેમાં રાઈના દાણા નાખો. અને રઈ તતડે એટલે તેમાં લીમડાના પાન ઉમેરો. પછી આ તેલને સોજીના બેટરમાં મિક્સ કરો.
- કોર્ન અપ્પેને પેનમાં મૂકતા પહેલા આ મિશ્રણમાં ઇનો અથવા ખાવાનો સોડા ઉમેરો અને તેને ધીમેથી મિક્સ કરો. હવે અપ્પે પેન ગરમ કરો અને દરેક ખાનામાં થોડું તેલ લગાવ્યા બાદ તેમાં સોજીનું મિશ્રણ ચમચી વડે રેડો પછી તેને ઢાંકી દો.
- સાતેક મિનિટ થાય એટલે અપ્પેને પલટાવી દેવા.અને ફેરવી-ફેરવીને તેને ચઢવી ધીમા તાપે બંને બાજુથી સોનેરી થાય ત્યાં સુધી શેકો. થોડી જ વારમાં તૈયાર થઈ ગઈ કોર્ન અપ્પે વાનગી. આ વાનગી તમે લીલી કોથમીર અને ટામેટાની ચટણી સાથે ખાઈ શકો છો.
Recipe | Dinner Special | tasty food | Home Made Food Recipe
