વીજ જોડાણ કાપી નંખાતા ગણદેવીના ૭ જેટલા ગામોના મોબાઈલ ટાવર સહિત વિવિધ સરકારી કચેરીઓનું કામકાજ ઠપ્પ

નવસારી જિલ્લાના ગણદેવી તાલુકાના દક્ષિણ ગુજરાત વીજ કંપની ગણદેવી દ્વારા ગણદેવી BSNL ટેલિફોન એક્સચેંન્જ ની ગ્રાન્ટ ના અભાવે બે માસના બાકી નીકળતા વીજ બિલના નાણાંની ભરપાઈ ન થવાને કારણે વીજ કંપની એ વીજ જોડાણ કાપી નાખતા ગણદેવી તાલુકાની તમામ સરકારી કચેરી સહીત સહકારી સંસ્થા તેમજ બેંકોના કામકાજો સાથે 10000 થી વધુ મોબાઈલ ફોન ઠપ્પ થઇ ગયા હતા

ગણદેવી ભારત સંચાર નિગમ લિમિટેડનું રૂપિયા 1,09,092 નું વીજ બિલ ગ્રાન્ટ ના અભાવે બે માસ સુધી ન ભરાતા દક્ષિણ ગુજરાત વીજ કંપની ગણદેવી દ્વારા વીજ જોડાણ કાપી નાખવામાં આવ્યું હતું જેના પગલે ગણદેવી વિસ્તારની 17 લીઝ લાઈન.800 જેટલા બ્રોડબેન્ડ ,10000 થી વધુ મોબાઈલ ફોન ઠપ્પ થઇ ગયા હતા સાથે 800 થી વધુ બ્રોડબેન્ડ કનેક્શન બંધ થવાના કારણે તાલુકાની મામલતદાર કચેરી.તાલુકા પંચાયત. સબ રજીસ્ટર કચેરી સહીત અન્ય સરકારી કચેરી ના તમામ કામકાજો પણ ઠપ્પ થઇ ચુક્યા હતા.

દક્ષિણ ગુજરાત વીજ કંપની ગણદેવી દ્વારા વીજ જોડાણ કાપી નાખવામાં આવતા મામલતદાર કચેરી ના તમામ કામકાજો ઠપ્પ થઇ ગયા હતા પરંતુ હાલ લોકસભા ની ચૂંટણી નજીક હોય ત્યારે મામલતદાર કચેરીમાં ચૂંટણી અંતર્ગત કામગીરીને પણ અશર પોહચી હતી જેને લઈ નવસારી જિલ્લા ચૂંટણી અધિકારી તેમજ જિલ્લા કલેક્ટર ડૉ.એમ.ડી. મોડિયા દ્વારા દક્ષિણ ગુજરાત વીજ કંપનીના અધિકારીઓને પત્ર દ્વારા તાકીદ કરી ભારત સંચાર નિગમ લિમિટેડનું વીજ જોડાણ ન કાપવા જણાવ્યું હતું પરંતુ તેમ છતાં વીજ જોડાણ કાપી નાખવામાં આવ્યું હતું જેને કારણે લોકસભા ચૂંટણી કામગીરી પણ હાલ ઠપ્પ થઇ ચુકી છે.

દક્ષિણ ગુજરાત વીજ કંપની ગણદેવી દ્વારા વીજ જોડાણ કાપી નાખવામાં આવતા ગણદેવીના 7 જેટલા ગામો ના મોબાઈલ ટાવર તેમજ વિવિધ સરકારી કચેરીઓ નું કામકાજ ઠપ્પ થઇ જતા ગણદેવી ટેલિફોન એક્સચેંજ દ્વારા કામચલાવ ધોરણે વૈકલ્પિક વ્યવસ્થાના ના ભાગ રૂપે જેનરેટર મારફત સુવિદ્યા આપવાનો પ્રયાશ થઇ રહ્યો છે પરંતુ હાલ એ પણ માત્ર 6 કલાક સુધી જ ચાલી શકે એવી પરિસ્થિતિ સર્જાય છે.