Connect Gujarat
સમાચાર

આગામી IPLમાં નવી ટીમ સાથે રમશે રવિન્દ્ર જાડેજા?, CSK ના સંપર્કથી દૂર

ટીમ ઈન્ડિયા હાલ ઝિમ્બાબ્વેમાં છે અને 18 ઓગસ્ટથી વનડે શ્રેણી શરૂ થઈ રહી છે. આ પછી એશિયા કપ પણ રમાવાનો છે પરંતુ આ બધાની વચ્ચે ઈન્ડિયન પ્રીમિયર લીગ ફરી ચર્ચામાં છે.

આગામી IPLમાં નવી ટીમ સાથે રમશે રવિન્દ્ર જાડેજા?, CSK ના સંપર્કથી દૂર
X

ટીમ ઈન્ડિયા હાલ ઝિમ્બાબ્વેમાં છે અને 18 ઓગસ્ટથી વનડે શ્રેણી શરૂ થઈ રહી છે. આ પછી એશિયા કપ પણ રમાવાનો છે પરંતુ આ બધાની વચ્ચે ઈન્ડિયન પ્રીમિયર લીગ ફરી ચર્ચામાં છે. ચેન્નાઈ સુપર કિંગ્સના પૂર્વ કેપ્ટન અને ટીમ ઈન્ડિયાના સ્ટાર ઓલરાઉન્ડર રવિન્દ્ર જાડેજા હવે આઈપીએલમાં નવી ટીમ માટે રમતા જોવા મળી શકે છે. ઈન્ડિયન પ્રીમિયર લીગ 2022 સમાપ્ત થઈ ત્યારથી રવિન્દ્ર જાડેજા અને ચેન્નાઈ સુપર કિંગ્સ મેનેજમેન્ટ વચ્ચે કોઈ સંપર્ક નથી. આવી સ્થિતિમાં એવું માનવામાં આવે છે કે રવિન્દ્ર જાડેજાએ IPL 2023માંથી નવો રસ્તો પસંદ કરવો જોઈએ.

આઈપીએલ 2022 દરમિયાન રવિન્દ્ર જાડેજા અને ચેન્નાઈ સુપર કિંગ્સ વચ્ચે વિવાદ થયો હતો. પહેલા રવિન્દ્ર જાડેજાને ટીમનો કેપ્ટન બનાવવામાં આવ્યો હતો. પરંતુ ખરાબ પ્રદર્શનને કારણે તેને અધવચ્ચે જ પડતો મૂકવામાં આવ્યો હતો અને કમાન ફરીથી મહેન્દ્ર સિંહ ધોનીના હાથમાં આવી ગઈ હતી. એવા અહેવાલો હતા કે રવિન્દ્ર જાડેજા આના કારણે પરેશાન હતો, ત્યારબાદ તેણે બે મેચ રમી અને પછી ઈજાના કારણે બહાર થઈ ગયો. હવે ફરી એકવાર રવિન્દ્ર જાડેજા અને ચેન્નાઈ સુપર કિંગ્સ વચ્ચે અલગ થવાની વાત સામે આવી રહી છે.

Next Story
Share it