મિશન બિહાર પર પીએમ મોદી અને રાહુલ ગાંધી, મતદારોને લુભાવવા એડીચોટીનું લગાવશે જોર

પ્રચારના પ્રથમ તબક્કા દરમિયાન રાહુલ ગાંધી બે રેલીઓને સંબોધન કરશે. નવાડા જિલ્લાની હિસુઆ વિધાનસભા બેઠક પર પ્રથમ રેલી યોજશે, જેમાં રાષ્ટ્રીય જનતા દળ (આરજેડી) ના નેતા તેજશ્વી યાદવ ઉપસ્થિત રહી શકે છે.

બિહાર વિધાનસભાની ચૂંટણી માટે બ્યુગલ વગાડવામાં આવ્યો છે અને દરેક રાજકીય પક્ષો વતી રેલીઓ યોજવામાં આવી રહી છે. કોંગ્રેસે પણ ચૂંટણીને લઈને પોતાના નેતાઓની રેલી શરૂ કરી દીધી છે. આ શ્રેણીમાં કોંગ્રેસના પૂર્વ અધ્યક્ષ રાહુલ ગાંધી બિહારમાં પ્રથમ તબક્કાની ચૂંટણી માટે મહાગઠબંધનના ઉમેદવારને મત આપવા મતદારોને સંબોધન કરશે.

પ્રચારના પ્રથમ તબક્કા દરમિયાન રાહુલ ગાંધી બે રેલીઓને સંબોધન કરશે. નવાડા જિલ્લાની હિસુઆ વિધાનસભા બેઠક પર પ્રથમ રેલી યોજશે, જેમાં રાષ્ટ્રીય જનતા દળ (આરજેડી) ના નેતા તેજશ્વી યાદવ ઉપસ્થિત રહી શકે છે. ભાગલપુર વિધાનસભા બેઠક પર બીજી રેલી યોજાશે. આ સિવાય બીજા અને ત્રીજા તબક્કાના ચૂંટણી પ્રચાર દરમિયાન પણ રાહુલ ગાંધી રેલી કરી શકે છે.

જ્યારે વડા પ્રધાન નરેન્દ્ર મોદી 23 ઓક્ટોબરે બિહારના સાસારામ, ગયા અને ભાગલપુરમાં રેલીઓ કરશે, જ્યારે 28 ઓક્ટોબરે દરભંગા, મુઝફ્ફરપુર અને પટણામાં, 1 નવેમ્બરના રોજ છપરા, મોતીહારી અને સમસ્તીપુરમાં અને 3 નવેમ્બરના રોજ સહર્ષ, અરરિયા અને બેતિયામાં રેલી યોજશે. આ તમામ રેલીઓમાં નીતીશ કુમાર પીએમ મોદી સાથે સ્ટેજ પર હાજર રહેશે.

ખાસ વાત એ છે કે 28 ઓક્ટોબર અને 3 નવેમ્બરના રોજ બિહારમાં પ્રથમ અને બીજા તબક્કાનું મતદાન પણ છે. એક વ્યૂહરચના રૂપે ભાજપ ચૂંટણીમાં મતદાનના દિવસે વડા પ્રધાન નરેન્દ્ર મોદીની રેલીઓનું આયોજન કરે છે અને અત્યાર સુધી પરિણામો દર્શાવે છે કે ભાજપને તેના ફાયદા ઘણી વખત મળ્યા છે.