વડાપ્રધાન નરેન્દ્ર મોદીનું પર્સનલ વેબસાઇટનું ટ્વિટર એકાઉન્ટ થયું હેક

વડાપ્રધાન નરેન્દ્ર મોદીનું પર્સનલ  વેબસાઈટનું ટ્વિટર એકાઉન્ટ હેક કરવામાં આવ્યું હતું. અને હેકરે એકાઉન્ટ હેક કરી લખ્યું હતું કે ‘હું તમને બધાને અપીલ કરું છું કે કોવિડ-19 માટે બનાવવામાં આવેલા પીએમ મોદી રિલીફ ફંડમાં દાન કરો.’ આ દાન ક્રિપ્ટો કરન્સી બિટકોઇનમાં માગવામાં આવ્યું હતું. આ ટ્વિટ તુરંત જ ડિલીટ કરી દેવાઈ હતી.

પીએમ રિલીફ ફંડ માટે બિટકોઈનમાં દાન માંગ્યુ, અને ટ્વિટરે કહ્યું અમે ઝડપથી તપાસ કરીએ છીએ. આ પહેલા જુલાઇમાં અનેક  પ્રતિષ્ઠિત વ્યક્તિ અને કંપનીઓના ટ્વિટર એકાઉન્ટ હેક કરવામાં આવ્યા હતા.

હેકરે એક અન્ય ટ્વિટમાં લખ્યું,‘ આ એકાઉન્ટ જોક વિક (hckindia@tutanota.com)એ હેક કર્યું છે. અમે પેટીએમ મૉલ હેક નથી કર્યું.’જોકે, હેકિંગ ક્યારે કરવામાં આવ્યું તે હજુ જાણવામાં નથી આવ્યું.