રાજકોટમાં આજે વહેલી સવારે શહેરના પ્રેમ મંદિર નજીક આવેલી પોસ્ટ ઓફિસમાં તસ્કરો ત્રાટકયા હતા. તસ્કરો પોસ્ટ ઓફિસની તિજોરી તોડી મહત્વના દસ્તાવેજોની લૂંટ ચલાવી નાસી છૂટ્યા હતા.
એટલું જ નહીં તમામ સીસીટીવી અને DVR ની પણ ચોરી કરવામાં આવતા ખળભળાટ મચી ગયો છે. ઘટનાને પગલે યુનિવર્સિટી પોલીસનો કાફલો દોડી ગયો હતો. જો કે આ બનાવમાં માત્ર 7 હજાર રોકડની ચોરી થઈ હતી. પરંતુ મહત્વની સરકારી કચેરીને તસ્કરોએ નિશાન બનાવતા પોલીસની કામગીરી સામે અનેક સવાલો ઉઠી રહ્યા છે. હાલ પોલીસે તસ્કરોને ઝડપી પાડવા તપાસનો ધમધમાટ શરૂ કર્યો છે.