સોનુ નિગમની શોર્ટ ફિલ્મ 'સ્પોટલેસ' 25 જૂને રિલીઝ થશે
શોર્ટ ફિલ્મ 'સ્પોટલેસ' દ્વારા સોનુ નિગમ લોકોને જણાવવા માંગે છે કે એસિડ એટેકની એક માણસના મન પર કેવી અસર થાય છે જેથી કોઈને એવું કરવાનો વિચાર પણ ન આવે.
મુંબઈ: ગાયક-અભિનેતા સોનુ નિગમ જણાવે છે કે ફિલ્મ ‘સ્પોટલેસ’ તેના માટે ખૂબ જ મહત્વપૂર્ણ છે કેમકે તે એક એસિડ એટેક સર્વાઈવર પર આધારિત છે.
સોનુ જણાવે છે, “આ મુદ્દા સામે હજુ પણ આપણો દેશ લડી રહ્યો છે. અમે લોકોને એ અનુભૂતિ કરાવવા માંગીએ છીએ જે જ્યારે કોઈ વ્યક્તિ પર એસિડ એટેક થાય છે ત્યારે તેની મનોસ્થિતિ કેવી થઈ જાય છે. જો અમારી આ ફિલ્મને લીધે આ દિશામાં થોડી પણ જાગૃતિ આવે અને આઘટનાઓ બનતી અટકે તો અમારો આ પ્રયાસ સફળ ગણાશે.”
‘સ્પોટલેસ’ને CKF ઇન્ટરનેશનલ ફિલ્મ ફેસ્ટિવલ, ઇન્ટરનેશનલ શોર્ટ ફિલ્મ ફેસ્ટિવલ ઓફ ઇન્ડિયા, બુદ્ધ ઇન્ટરનેશનલ ફિલ્મ ફેસ્ટિવલ માં દર્શાવવામાં આવી ચૂકી છે.સૌરભ પાંડે દ્વારા નિર્દેશિત આ ફિલ્મમાં સોનુ સાથે શ્વેતા રોહિરા છે. આ ફિલ્મને 25 જૂને સોનુની યુ ટ્યુબ ચેનલ પર રજૂ કરવામાં આવશે.
