દક્ષિણ ગુજરાત : છેલ્લા 3 દિવસથી મેઘરાજા મહેરબાન, વાંસદામાં આવેલો જૂજ ડેમ થયો ઓવર ફ્લો

દક્ષિણ ગુજરાતમાં છેલ્લા 3 દિવસથી મેઘરાજા મહેરબાન થયા છે ત્યારે કેટલાક જીલ્લાઓમાં જળ બંબાકારની સ્થિતિ પણ વર્તાઇ રહી છે.

દક્ષિણ ગુજરાતમાં આસમાની વાદળો વધારે મહેરબાન બન્યા છે, જેના કારણે કેટલાક જિલ્લાઓમાં સાર્વત્રિક વરસાદ નોંધાયો છે. ડાંગ , વલસાડ અને નવસારી જિલ્લો વરસાદી પાણીમાં છેલ્લા 3 દિવસથી ભીંજાય રહ્યો છે. લોકમાતા સાથે ચેકડેમો અને ડેમો ઓવરફ્લો થયા છે. નવસારી જિલ્લામાં આવેલ જૂજ ડેમ 167.55ની સપાટી ઉપર પોહચતા ઓવરફલો થયો છે, જેને લઈને વાંસદા, ચીખલી અને ગણદેવી મળીને 24 જેટલા ગામોને વહીવટી તંત્રએ એલર્ટ કરી દીધા છે અને વહેલીટકે સલામત સ્થળે સ્થળાંતર થવા માટેની સૂચનાઓ પણ આપવામાં આવી છે.