અમદાવાદમાં વિજય હજારે ટ્રોફીની ટાઈટલ મેચ મહારાષ્ટ્ર અને સૌરાષ્ટ્ર વચ્ચે રમાઈ રહી છે. સૌરાષ્ટ્રના કેપ્ટન જયદેવ ઉનડકટે ટોસ જીતીને પ્રથમ બોલિંગ કરવાનો નિર્ણય કર્યો હતો. 46 ઓવર બાદ મહારાષ્ટ્રે 5 વિકેટ ગુમાવીને 219 રન બનાવ્યા છે. મહારાષ્ટ્રના કેપ્ટન ઋતુરાજ ગાયકવાડે સદી ફટકારી હતી. તે 131 બોલમાં 7 ચોગ્ગા અને 4 છગ્ગાની મદદથી 108 રન બનાવીને રનઆઉટ થયો હતો.
મહારાષ્ટ્ર પ્રથમ વખત ચેમ્પિયન બનવાની નજરમાં છે. તે પ્રથમ વખત ફાઈનલ રમી રહ્યા છે. આ સાથે જ સૌરાષ્ટ્ર બીજી વખત 50 ઓવરની આ ટૂર્નામેન્ટ પોતાના નામે કરવા ઈચ્છશે. ટુર્નામેન્ટમાં સૌરાષ્ટ્રના ફાસ્ટ બોલરોનો દબદબો રહ્યો છે ત્યારે મહારાષ્ટ્રના બેટ્સમેનોએ અસાધારણ દેખાવ કર્યો છે.