સુરત: માંડવી તાલુકાનું વરેલી ગામ બન્યું દીપડાઓનું અભયારણ્ય
માંડવી તાલુકાના વરેલી ગામની સીમમાં આવેલ ફાર્મ હાઉસ જાણે દીપડાઓને માફક આવી
ગયું છે. આ દીપડાઓ ફાર્મ હાઉસમાં આવી લટાર મારતા રહે છે. શનિવારે મળસ્કે એક માદા
દીપડો પાંજરે પુરાયો હતો. અત્યાર સુધીમાં આ ફાર્મ હાઉસમાંથી ૩૪ જેટલા દીપડાઓ
પાંજરે પુરાઇ ચૂક્યા છે.
સુરત જિલ્લાના માંડવી તાલુકાનું વરેલી ગામ જાણે દીપડાઓનું અભયારણ્ય બની ગયું
છે. આ ગામમાં દીપડાઓ અવાર નવાર નજરે પડી રહ્યા છે. અને અત્યાર સુધીમાં ૩૪ જેટલા
દીપડાઓ આ ગામમાંથી પાંજરે પુરાયા છે.
વરેલી ગામે યુસુફભાઇ ભીખાભાઇ મહિડાનું ફાર્મ હાઉસ આવેલ છે. આ ફાર્મ હાઉસ પણ દીપડાઓ
માટે જાણે પસંદગીનું સ્થળ હોય એમ સાબિત થઇ રહ્યું છે. વિશાળ વિસ્તાર ધરાવતા આ
ફાર્મ હાઉસની ફરતે કંપાઉન્ડની દીવાલ કર્યા પછી પણ દીપડા આ જગ્યા પર આવતા જ રહે છે.
તાજેતરમાં એક દીપડી નજરે પડી હતી. જેથી વન વિભાગને જાણ કરતાં પાંજરૂ મુકવામાં
આવ્યુ હતું. શનિવારે મળસ્કે એક ૬ થી ૭ વર્ષની દીપડી પાંજરે પુરાય હતી. ઘટના અને
વનવિભાગને જાણ કરતાં તેઓ સ્થળ પર આવી દીપડીનો કબ્જો લઇ તબીબ પાસે પરીક્ષણ કરાવ્યું
હતું. આ દીપડીને રાત્રી દરમ્યાન જંગલ વિસ્તારમાં છોડવામાં આવશે મુજબનું જાણવા
મળ્યું છે.