“ઇધર ક્યું બેઠી હો..!” કહી સુરતના ઉધનામાં સગીરાઓની છેડતી કરનાર શખ્સની પોલીસે CCTV ફૂટેજના આધારે ધરપકડ કરી...

ઉધના વિસ્તારમાં એક યુવકે 3 સગીરાની છેડતી કરી હતી. જેના CCTV ફૂટેજ સોશિયલ મીડિયામાં વાયરલ થતાં ઉધના પોલીસ હરકતમાં આવી છેડતી કરનાર આવાર તત્વોની ધરપકડ કરી

author-image
By Connect Gujarat Desk in સુરત સમાચાર
New Update

  • રોમીયોગીરી કરતા બદમાશો સામે પોલીસની લાલ આંખ

  • ઉધના વિસ્તારમાં એક શખ્સે 3 સગીરાની કરી હતી છેડતી

  • સગીરના પરિવારજનોએ નોંધાવી હતી પોલીસમાં ફરિયાદ

  • CCTV ફૂટેજના આધારે પોલીસે કરી નરાધમની ધરપકડ

  • આરોપી એકલો રહેતો હોવાનું પોલીસ તપાસમાં સામે આવ્યું

Advertisment

સુરત શહેરના ઉધના વિસ્તારમાં બાળકીઓની છેડતી કરનાર વિધર્મી યુવકની પોલીસે CCTV ફૂટેજના આધારે ધરપકડ કરી કાયદેસરની કાર્યવાહી હાથ ધરી છે. સુરત શહેર તથા જીલ્લામાં રોમીયોગીરી કરતા બદમાશો સામે પોલીસે લાલ આંખ કરી છે. ઉધના વિસ્તારમાં એક યુવકે 3 સગીરાની છેડતી કરી હતી. જેના CCTV ફૂટેજ સોશિયલ મીડિયામાં વાયરલ થતાં ઉધના પોલીસ હરકતમાં આવી હતી.

પોલીસે તાબડતોબ સોસાયટીના પ્રમુખની ફરિયાદ લઈ છેડતી કરનાર સામે ગુનો દાખલ કર્યો હતો. પોલીસે જણાવ્યું કે, રાત્રીના 8.30 વાગ્યે સોસાયટી પરિસરમાં 15 વર્ષની સગીરા મોપેડ પર બેઠી હતી. તે સમયે બદમાશે આવી “ઈધર ક્યું બેઠી હો..” એમ કહીને તેના ખભા પર હાથ મુક્યો હતો. આથી સગીરા ડરને મારે ત્યાંથી ભાગવા લાગી હતી. એટલામાં બદમાશે આગળ ચાલતી અન્ય 2 સગીરાઓને “કહા જા રહી હો..” કહી તેના ખભે હાથ મુકી દીધો હતો. હાથ મુકતા બન્ને સગીરાઓ જીવ બચાવી ભાગી હતી.

આ ઘટનાને લઈ સોસાયટીના રહીશો ભેગા થયા હતા. ત્યારબાદ સગીરાના પરિવારજનોએ ઉધના પોલીસ મથકે ફરિયાદ નોંધાવી હતી. છેડતી કરનાર રોમિયોને શોધવા પોલીસ અને ક્રાઇમ બ્રાંચે મળી 8 ટીમો બનાવી હતી.

આરોપીને પકડવા માટે 400થી વધારે CCTV કેમેરાની તપાસ કરાય હતી. આ દરમ્યાન ઉધના પોલીસને સફળતા હાથ લાગી હતી. જેમાં સગીરાઓની છેડતી કરનાર આરોપી નેમુદિન ઉર્ફે અરમાન અબ્દુલ જબ્બારની ઉંન વિસ્તારમાંથી ધરપકડ કરવામાં આવી હતી. પોલીસ તપાસમાં આરોપી સુરતમાં એકલો રહી સંચા મશીન ચલાવતો હોવાનું સામે આવ્યું છે.

#surat police #Surat Crime News #સગીરાની છેડતી #crime news #યુવતીની છેડતી #CCTV footage
Advertisment
Related Articles
Read the Next Article

સુરત : વેપારીઓના GST ડેટા વેચાય રહ્યા હોવાની કેન્દ્ર સરકારમાં રજૂઆતને પગલે ખળભળાટ,CAASએ લખ્યો નાણામંત્રીને પત્ર

ડેટા સોલ્યુશન નામની ગેંગ દિલ્હી,ગાઝિયાબાદ અને નોઈડાથી વેપારીઓના ઓનલાઇન GSTના ડેટા વેચી રહ્યા હોવાની રજૂઆત કેન્દ્રીય નાણાંમંત્રીને કરવામાં આવતા ખળભળાટ મચી ગયો

author-image
By Connect Gujarat Desk in સુરત સમાચાર
New Update

  • CAAS એસો.નો સૌથી મોટો આરોપ

  • GSTના ડેટા ઓનલાઈન વેચવાનું રેકેટ

  • ડેટા સોલ્યુશન ગેંગ ચલાવી રહી છે નેટવર્ક

  • 10 હજારના પેકેજમાં વેચાઈ રહ્યા છે GST ડેટા

  • ગેંગનું દિલ્હી,ગાઝિયાબાદ અને નોઈડા હબ

  • CA એસો.ને કરી નક્કર પગલા ભરવાની માંગ

Advertisment

સુરત ચાર્ટર્ડ એકાઉન્ટન્ટ્સ એસોસિએશન દ્વારા કેન્દ્રીય નાણામંત્રીને એક ઔપચારિક પત્ર લખવામાં આવ્યો છે,જેમાં ડેટા સોલ્યુશન નામની ગેંગ દિલ્હી,ગાઝિયાબાદ અને નોઈડાથી વેપારીઓના ઓનલાઇન GSTના ડેટા વેચી રહ્યા હોવાની રજૂઆત કરવામાં આવતા ખળભળાટ મચી ગયો છે.

સુરત ચાર્ટર્ડ એકાઉન્ટન્ટ્સ એસોસિએશન દ્વારા કેન્દ્રીય નાણામંત્રીને લખવામાં આવેલો પત્ર ચર્ચાનો વિષય બન્યો છે. આ પત્રમાં ગુડ્સ એન્ડ સર્વિસ વ્યવસ્થાની ગંભીર ખામીઓ, કરદાતાઓના ગુપ્ત ડેટાના વેચાણથી લઈને રિફંડ વિલંબ અને અપ્રમાણભૂત દંડ સુધીના મુદ્દાઓ પર ઊંડાણપૂર્વક પ્રકાશ પાડવામાં આવ્યો છે. સાથે 'ડેટા સોલ્યુશન' નામની ગેંગ દિલ્હી, ગાઝિયાબાદ અને નોઈડામાં બેસીને સમગ્ર નેટવર્ક ચલાવી રહી હોવાની વાત પણ પત્રમાં કરવામાં આવી છે. 2B, 3B અને e-Way Billનો ડેટા ત્રણ મહિનાના પેકેજમાં વહેંચાય છે.CAASના પ્રમુખ હાર્દિક કાકડિયાએ આ અંગે માહિતી આપી હતી.

સુરત CA એસોસિએશનના એક્ઝિક્યુટિવ કમિટી મેમ્બર હિરેન અભંગીએ જણાવ્યું હતું કે ડિસેમ્બરમાં GSTના ડેટા લીક થતા હોવાની માહિતી મળી હતી,અને સરકાર સમક્ષ આ અંગે રજૂઆત કરવામાં આવી છે, સરકાર પાસેથી માત્ર ખાતરી નહીં, પણ નક્કર પગલાની અપેક્ષા રાખીએ છીએ. વેપારીઓને આજે જે મુશ્કેલીઓનો સામનો કરવો પડે છે તે વાત અમારા પત્રમાં સ્પષ્ટ રીતે રજૂ કરવામાં આવી છે. જો આ સમસ્યાઓ પર તાત્કાલિક અને ગંભીર હસ્તક્ષેપ ન થાય, તો સમગ્ર વ્યવસ્થાની વિશ્વસનીયતા દાવ પર લાગી જવાની શક્યતા તેઓએ વ્યક્ત કરી છે.

#Chartered Accountants Association #GST Data #GST #Finance Minister
Advertisment