સુરત : લેસની દુકાનમાં કામ કરતા યુવકે રૂ. 3.50 લાખની લૂંટનું તરકટ રચ્યું, પોતાને જ બ્લેડથી ઘા મારતો થયો CCTVમાં કેદ...

સુરતમાં લેસની દુકાનમાં કામ કરતા કર્મચારી પર ચપ્પુથી હુમલો કરી 2 લૂંટારૂ રૂ. 3.50 લાખની લૂંટ ચલાવી ફરાર થઈ ગયા હતા. જોકે, આ મામલે ફરિયાદી જ આરોપી નીકળતા પોલીસે 3 શખ્સોની ધરપકડ કરી કાયદેસરની કાર્યવાહી હાથ ધરી છે.

author-image
By Connect Gujarat Desk in સુરત સમાચાર
New Update

  • પુણામાં ધોળે દહાડે રૂ. 3.50 લાખની લૂંટનો મામલો

  • એકાઉન્ટન્ટે રૂ. 3.50 લાખની લૂંટનું રચ્યું હતું નાટક

  • પોતાને જ બ્લેડના ઘા મારતી ઘટના CCTVમાં કેદ

  • યુવકને દેવું થઈ જતા લૂંટનું નાટક રચ્યું : પોલીસ

  • લૂંટમાં ગયેલ રોકડા રૂ. 3.50 લાખન રીકવર કરાયા

સુરતમાં લેસની દુકાનમાં કામ કરતા કર્મચારી પર ચપ્પુથી હુમલો કરી 2 લૂંટારૂ રૂ. 3.50 લાખની લૂંટ ચલાવી ફરાર થઈ ગયા હતા. જોકે, આ મામલે ફરિયાદી જ આરોપી નીકળતા પોલીસે 3 શખ્સોની ધરપકડ કરી કાયદેસરની કાર્યવાહી હાથ ધરી છે.

સુરત શહેરના પુણા વિસ્તારમાં ચપ્પુની અણીએ રૂ. 3.50 લાખની લૂંટની ઘટના બની હતી. લેસની દુકાનમાં એકાઉન્ટન્ટ તરીકે કામ કરતો ધ્રુવિન વાસાણી બેંકમાંથી 3.50 લાખ રૂપિયા ઉપાડી દુકાન પરત ફરી રહ્યો હતો. આ દરમિયાન 2 આજાણ્યા યુવકો દ્વારા હુમલો કરીને લૂંટ ચલાવવામાં આવી હોવાની વાત હતી. ધ્રુવીનને હાથ અને પેટના ભાગે ચપ્પુના ઘા મારવામાં આવ્યા હોવાનું જણાવ્યું હતું. ઘટનાની જાણ થતાં ઉચ્ચ અધિકારીઓ પણ ઘટના સ્થળે દોડી ગયા હતા, જ્યારે ધ્રુવિનને સારવાર અર્થે સ્મિમેર હોસ્પિટલ ખસેડવામાં આવ્યો હતો. જોકે, ધ્રુવીનના નિવેદનના આધારે સૌથી પહેલા ધ્રુવીન શંકાના ઘેરામાં આવી ગયો હતો.

પુણા પોલીસ દ્વારા ફરિયાદી ધ્રુવિનની ઉલટ તપાસ પણ કરવામાં આવી હતી. આ દરમિયાન પુણા પોલીસ અને ક્રાઈમ બ્રાન્ચ દ્વારા CCTVની તપાસ કરવામાં આવતા ધ્રુવીન એક CCTVમાં કેદ થઈ ગયો હતો. જેમાં તે બાઈક લઈને આવે છે, અને ત્યારબાદ બાઇક સાઈડમાં ઉભી રાખી નીચે બેસીને પોતાને બ્લેડના ઘા મારી રહ્યો છે. પોતાના હાથ અને પેટના ભાગે બ્લેડના ઘા મારીને પોતાને લોહી લુહાણ કર્યો હતો. ત્યારબાદ ત્યાંથી પસાર થતાં રાહદારીઓએ ધ્રુવિનને હોસ્પિટલ ખસેડ્યો હતો. આમ દેવું થઈ જતા લૂંટનું નાટક રચ્યુ હોવાની ધ્રુવીને કબુલાત આપી હતી, ત્યારે હાલ તો લૂંટના ગુન્હામાં સંડોવાયેલા ત્રણેય શખ્સોની પોલીસ ધરપકડ કરી કાયદેસરની કાર્યવાહી હાથ ધરી છે. આ સાથે જ પોલીસે બુટ ભવાની મંદીર લંબે હનુમાન રોડ પાસેના નાળામાંથી લૂંટમાં ગયેલ રોકડા રૂપિયા 3.50 લાખની પણ રીકવરી કરી છે.

#CGNews #Robbery #Gujarat #Accused arrested #Fake #Surat
Related Articles
Read the Next Article

સુરત : આંગણીયા પેઢીના 2 કર્મચારી સાથે થયેલ રૂ. 40.65 લાખના માલમત્તાની ચોરી-લૂંટનો ભેદ ઉકેલાયો, 5 શખ્સોની ધરપકડ

આંગણીયા પેઢીના કર્મચારીને માર મારી 16.55 લાખની કિંમતના પાર્સલ અને એક હજારની કિંમતનો તેનો મોબાઈલ ફોન લૂંટી સરથાણા જકાતનાકા પાસે ઉતારી દેવાયો હતો

author-image
By Connect Gujarat Desk in સુરત સમાચાર
New Update

  • વરાછામાં થયેલ લાખોના મત્તાની લૂંટ અને ચોરીનો મામલો

  • આંગણીયા પેઢીના 2 કર્મચારીઓ સાથે થઈ લૂંટ અને ચોરી

  • રૂ. 40.65 લાખના માલમત્તાની ચોરી-લૂંટનો ભેદ ઉકેલાયો

  • પોલીસે CCTV ફૂટેજના આધારે ઝીણવટભરી તપાસ આદરી

  • 5 શખ્સોની ધરપકડ સાથે પોલીસ દ્વારા કાયદેસરની કાર્યવાહી 

સુરતમાં અમદાવાદની આર. મહેન્દ્ર આંગડિયા પેઢીના 2 કર્મચારીઓ સાથે થયેલી રૂ. 40.65 લાખના માલમત્તાની ચોરી અને લૂંટનો પોલીસે ભેદ ઉકેલી કાઢ્યો છે. સમગ્ર મામલે પોલીસે 5 શખ્સોની ધરપકડ કરી કાયદેસરની કાર્યવાહી હાથ ધરી છે.

અમદાવાદના આર. મહેન્દ્ર આંગડિયામાં ડિલિવરીમેન તરીકે નોકરી કરતો નિકુલસિંહ રાજપૂત ગત તારીખ 14મીની રાત્રે પેઢીની અમદાવાદ ઓફિસમાંથી સોનું, ચાંદી અને હીરા સહિત રૂ. 16.55 લાખની કિંમતના 25 પાર્સલ લઈને સુરતની હેડ ઓફિસ આવવા લક્ઝરી બસમાં નીકળ્યો હતો. જે તા. 15મીએ મળસ્કે 4:30 વાગ્યે બસ વૈશાલી ત્રણ રસ્તા પાસે ઉભી રહેતા તેમાંથી ઉતરેલા નિકુલસિંહ ડ્રાઈવર વિનોદસિંહને વારંવાર ફોન કરી રહ્યો હોવા છતાં તે ઉપાડી રહ્યો ન હતો. તે જ વખતે તેની પાસે બ્લ્યુ કલરની કાર આવીને ઉભી રહી હતી.

કારમાં આવેલા 3 શખ્સોએ પોતાની ઓળખ પોલીસ તરીકે આપી હતી અને તે ગાંજો વેચતો હોવાનો આરોપ મુકી તેને કારમાં બેસવા દબાણ કર્યું હતું. તે વખતે પહેલેથી જ બહાર ઉભો રહેલો શખ્સ ત્યાં ધસી આવ્યો હતો, અને કારમાં અપહરણ કરી લેવાયું હતું. આ સમગ્ર ઘટના CCTV કેમેરામાં કેદ થઈ ગઈ હતી. આ કર્મચારીને તમાચા અને ગડદાપાટુનો માર મારી રૂ. 16.55 લાખની કિંમતના પાર્સલ અને એક હજારની કિંમતનો તેનો મોબાઈલ ફોન લૂંટી સરથાણા જકાતનાકા પાસે ઉતારી દેવાયો હતો. પેઢીના ભાગીદાર રાજેશસિંહ ગુલાબજી રાજપૂતે આ ગુનાને લઈ તા. 16મીએ રાત્રે 8:15 વાગ્યે વરાછા પોલીસ મથકે ફરિયાદ નોંધાવી હતી.

લૂંટની તપાસ ચાલી રહી હતી, તેની વચ્ચે આ જ પેઢીનો બીજો ડિલિવરીમેન પ્રફુલ્લ પરષોત્તમ પટેલ અમદાવાદથી રાત્રે પોણા અગિયાર વાગ્યે રૂ. 24.10 લાખના હીરા અને 90 રૂપિયાની કિંમતના સોનાના 25 પાર્સલ લઈને શિવાય ટ્રાવેલ્સની બસમાં બેઠો હતો. જે તા. 17મીની મળસ્કે 5:15 વાગ્યે બસ વૈશાલી ત્રણ રસ્તા પાસે ઉભી હતી. આંગડિયાકર્મી ડ્રાઇવિંગ સીટની પાછળ થેલો મુકી ડ્રાઈવર સાથે વ્યસ્ત હતો, તે વખતે બસમાં તેને લૂંટવાના ઇરાદે સવાર 2 ગઠિયા થેલો લઈને ઉતરી જતાં ધમાચકડી મચી હતી. એક ગુનાની તપાસ ચાલી રહી હતી, તેના 9 કલાકમાં જ બીજો કર્મચારી ચોરીનો ભોગ બનતા પોલીસ દોડતી થઇ હતી.

બન્ને ઘટનાઓને લઈને પોલીસે CCTV ફૂટેજના આધારે ઝીણવટભરી તપાસ હાથ ધરી હતી, ત્યારે આંગડિયા પેઢીના 2 અલગ અલગ કર્મચારીઓ સાથે થયેલી રૂ. 40.65 લાખના માલમત્તાની ચોરી અને લૂંટનો ભેદ પોલીસે ઉકેલી કાઢ્યો છે. લૂંટ અને ચોરીના ગુનામાં સંડોવાયેલા શૈલેષ રાજપુરોહિત, શ્રવણસિંહ રાજપૂત, જોગસિંહ રાજપુરોહિત, આકાશસિંગ ગણપતસિંગ, ભરત રાજપુરોહિતને ઝડપી પાડ્યા છે. પોલીસે શખ્સો પાસેથી અલગ અલગ કેરેટના રૂ. 4 લાખના ડાયમંડ જપ્ત કરી વધુ તપાસ હાથ ધરી છે.

#R. Mahendra Angadiya #આર. મહેન્દ્ર આંગડિયા #angadiya loot #Angadiya firm #Angadiya Employee #Aangadiya Pedhi #Surat Robbery #Robbery Case #Robbery