સુરત : પૂર્વ પત્નીના અપહરણ પહેલા જ પોલીસે કરી 4 શખ્સોની ધરપકડ

પૂર્વ પત્નીનું અપહરણ કરવાના ઈરાદે મધ્યપ્રદેશથી સુરત આવેલા 4 ઈસમોને અપહરણ કરે તે પહેલા જ સુરત શહેરની પુણા પોલીસે ઝડપી પાડ્યા હતા.

author-image
By Connect Gujarat in સુરત Featured
New Update

પૂર્વ પત્નીનું અપહરણ કરવાના ઈરાદે મધ્યપ્રદેશથી સુરત આવેલા 4 ઈસમોને અપહરણ કરે તે પહેલા જ સુરત શહેરની પુણા પોલીસે ઝડપી પાડ્યા હતા.

પોલીસે આરોપીઓ પાસેથી એક દેશી તમંચો સહિતનો મુદામાલ મળી 10.30 લાખથી વધુનો મુદામાલ જપ્ત કરી કાયદેસરની કાર્યવાહી હાથ ધરી છે.

મળતી માહિતી અનુસાર, સુરત શહેરની પુણા પોલીસની ટીમ પેટ્રોલિંગમાં હતી. તે દરમ્યાન પોલીસને બાતમી મળી હતી કે, મધ્યપ્રદેશથી 4 ઈસમો એક દેશી હાથ બનાવટનો તમંચો લઇ સુરતમાં આવી રહ્યા છે. જેથી પોલીસે બાતમી મુજબ વોચ ગોઠવી સીમાડાથી પર્વત પાટિયા તરફ આવતા કેનાલ રોડ પાસેથી એક કારને અટકાવી હતી. પોલીસે તેમાંથી 4 ઈસમોને ઝડપી પાડ્યા હતા.

પોલીસે મહિપાલસિંહ રણવીરસિંહ ગુર્જર, અનિલ ઉર્ફે છોટુ રાજેન્દ્ર પાલ, કલ્લુ ઉર્ફે રાજુ પાલ અને જોની મુન્નાલાલ કુશવાહને ઝડપી પાડ્યા હતા. પોલીસે આરોપીઓ પાસેથી દેશી હાથ બનાવટનો તમંચો અને મોબાઈલ તથા કાર મળી રૂ. 10.30 લાખનો મુદામાલ જપ્ત કર્યો હતો. મુખ્ય આરોપી મહિપાલસિંહ ગુર્જર તેમની પત્ની સાથે ઓકટોબર 2018માં ભાગીને પ્રેમલગ્ન કર્યા હતા. લગ્ન જીવન દરમ્યાન મહિપાલસિંહ ગુર્જરે પોતાના તથા પત્નીના નામ પર ગ્વાલિયરમાં મકાન ખરીદ્યું હતું. બાદમાં પત્નીને બીજા સાથે પ્રેમ સબંધ બંધાતા માર્ચ 2024માં મહિપાલસિંહ ગુર્જરે તેમની પત્ની સાથે ડિવોર્સ લીધા હતા. બાદમાં પતિ-પત્નીના નામ પર લીધેલા મકાનને પોતાના નામ પર કરાવવા મહિપાલસિંહ સાથે મથામણ ચાલતી હતી. તે વખતે તેમની પત્ની માર્ચ 2024ના અંતમાં સુરત રહેતા તેના પ્રેમી સાથે ભાગી ગઈ હતી. જેથી મહિપાલસિંહ તેની પૂર્વ પત્નીનું અપહરણ કરી પ્રેમી પાસેથી લઇ જવાના ઈરાદે અન્ય 3 ઈસમો સાથે સુરત આવતો હતો. જોકે, પૂર્વ પત્નીનું અપહરણ કરે તે પહેલા જ પોલીસે તે ચારેય શખ્સોની ધરપકડ કરી હતી, જ્યારે તમંચો આપનાર આરોપીને વોન્ટેડ જાહેર કરી કાયદેસરની કાર્યવાહી હાથ ધરી છે.

#Gujarat #CGNews #Surat #kidnapping #surat police #Ex Wife #4 accused arrested
Related Articles
Read the Next Article

સુરત : રૂ. 943 કરોડના ડબ્બા ટ્રેડિંગ-ઓનલાઇન ગેમિંગનો પર્દાફાશ કરી SOG પોલીસે 8 શખ્સોની ધરપકડ કરી...

સુરત શહેરના મોટા વરાછાના લજામણી ચોક ખાતે મેરિડીયન બિઝનેસ સેન્ટરમાં આવેલ "સનરાઈઝ ડેવલપર્સ" નામની કન્સ્ટ્રક્શન ઓફિસની આડમાં ગેરકાયદે પ્રવૃત્તિઓ ચલાવવામાં આવતી હતી, 

author-image
By Connect Gujarat Desk in સુરત ગુજરાત
New Update

  • "સનરાઈઝ ડેવલોપર્સ" ઓફિસની આડમાં ચાલતું રેકેટ

  • 943 કરોડના ડબ્બા ટ્રેડિંગ-ઓનલાઇન ગેમિંગનો પર્દાફાશ

  • 250થી વધુ લોકોએ ઓનલાઇન ગેમિંગ અને ટ્રેડિંગ કરાયું

  • SOG પોલીસે 8 આરોપીઓની ધરપકડ કાર્યવાહી હાથ ધરી

  • પેપર કટિંગ મશીનનો ઉપયોગ કરી પુરાવાનો નાશ કરતાં

સુરત શહેરના મોટા વરાછા વિસ્તારમાં ચાલતા ગેરકાયદે ડબ્બા ટ્રેડિંગ અને ઓનલાઈન ગેમિંગ રેકેટનો SOG પોલીસે પર્દાફાશ કર્યો છે. આ ઓપરેશનમાં રૂ. 943 કરોડના આર્થિક વ્યવહારો સામે આવ્યા છે, અને 8 આરોપીઓની ધરપકડ કરવામાં આવી છે.

સુરત શહેરના મોટા વરાછાના લજામણી ચોક ખાતે મેરિડીયન બિઝનેસ સેન્ટરમાં આવેલ "સનરાઈઝ ડેવલપર્સ" નામની કન્સ્ટ્રક્શન ઓફિસની આડમાં ગેરકાયદે પ્રવૃત્તિઓ ચલાવવામાં આવતી હતી, ત્યારે SOG પોલીસ દ્વારા કરવામાં આવેલી તપાસમાં બહાર આવ્યું છે કે, આ ઓફિસમાં 2 મુખ્ય ગેરકાયદે પ્રવૃત્તિઓ ચાલતી હતી. જેમાં ઓનલાઈન સ્ટોક એક્સચેન્જ ટ્રેડિંગની જેમ જ પરંતુ, SEBIની પરવાનગી વગર, "Castilo 9" અને "Stock Grow" જેવા સોફ્ટવેરનો ઉપયોગ કરીને ડબ્બા ટ્રેડિંગ ચલાવવામાં આવતું હતું. "BET FAIR.COM", "NEXON EXCH.COM", "PAVANEXCH", અને "ENGLISH999" જેવી પ્રતિબંધિત વેબસાઇટ્સ અને સોફ્ટવેરનો ઉપયોગ કરીને લાઇવ ફૂટબોલ, ક્રિકેટ, ટેનિસ જેવી સ્પોર્ટ્સ તેમજ કસિનો ગેમિંગ પર સટ્ટાબાજી કરવામાં આવતી હતી.

આરોપીઓ લોકોને ઉંચા નફાની લાલચ આપી બ્લેક મનીનો ઉપયોગ કરવાની સુવિધા આપીને ગ્રાહકોને આકર્ષતા હતા. તેઓ દાવો કરતા હતા કે, આ ટ્રેડિંગમાં કોઈ નુકસાન થતું નથી અને કોઈ ટેક્સ પણ ભરવો પડતો નથી, જેનાથી સરકારને મોટા પાયે આર્થિક નુકસાન પહોંચાડવામાં આવતું હતું. અત્રે ઉલ્લેખનીય છે કે, ગેમિંગ એપ્લિકેશન સહિત ડબ્બા ટ્રેડિંગની એપ્લિકેશનોમાં રૂ. 943 કરોડના વ્યવહારો મળી આવ્યા છે. આ ઉપરાંત અલગ અલગ બેન્ક એકાઉન્ટમાં રૂ. 4.62 કરોડના અન્ય ટ્રાન્જેક્શનનો પણ મળી આવ્યા છે, ત્યારે હાલ તો સુરત SOG પોલીસે 8 આરોપીઓ પાસેથી 19 મોબાઈલ, 4 લેપટોપ, ઇન્વોઇસ ફાઈલ, 23 સીમકાર્ડ, 31 પાસબુક, 87 ચેકબુક, પ્રિન્ટર સહિત રૂ. 17.30 લાખનો મુદ્દામાલ જપ્ત કરી કાયદેસરની કાર્યવાહી હાથ ધરી છે.

#Gujarat #CGNews #arrested #Fraud #Surat #surat police #8 accused #Dabba Trading #SOG Surat