સુરત: ગોપીપુરા પોલીસ ચોકીના પીએસઆઇ રૂપિયા 1 લાખની લાંચ લેતા ACBનાં છટકામાં ઝડપાયા

સુરત શહેરના ગોપીપુરા પોલીસ ચોકીમાં ફરજ બજાવતા PSIને રૂપિયા 1 લાખની લાંચ લેતા ACBએ રંગેહાથ ઝડપી લીધા હતા,ACBની લાંચિયા અધિકારીઓ સામેની કાર્યવાહીથી પોલીસ બેડામાં ફફડાટ વ્યાપી ગયો હતો.

author-image
By Connect Gujarat Desk in સુરત ગુજરાત
New Update

સુરતમાં લાંચિયો અધિકારી ACBના રડારમાં ઝડપાયો

ગોપીપુરા પોલીસ સ્ટેશનના PSI લાંચ લેતા ઝડપાયા 

કેસ ન નોંધવા માટે રૂપિયા 1 લાખની માંગી હતી લાંચ

બનાસકાંઠા ACBએ PSIની લાંચ લેતા રંગે હાથ કરી ધરપકડ

ACBની કાર્યવાહીને પગલે પોલીસ બેડામાં ફફડાટ   

સુરત શહેરના ગોપીપુરા પોલીસ ચોકીમાં ફરજ બજાવતા PSIને રૂપિયા 1 લાખની લાંચ લેતા ACBએ રંગેહાથ ઝડપી લીધા હતા,ACBની લાંચિયા અધિકારીઓ સામેની કાર્યવાહીથી પોલીસ બેડામાં ફફડાટ વ્યાપી ગયો હતો.
સુરત અઠવાલાઇન્સ પોલીસ સ્ટેશનમાં ફરિયાદી વિરુદ્ધ અરજી સ્વરૂપે ફરિયાદ કરવામાં આવી હતી,જે અરજીના ભાગરૂપે ફરિયાદી વિરુદ્ધ ગુનો ન નોંધવા માટે ગોપીપુરા પોલીસ સ્ટેશનનાં PSI લલિતકુમાર મોહનલાલ પુરોહિતે રૂપિયા 3 લાખની માંગ કરી હતી,પરંતુ અંતે રકઝક બાદ રૂપિયા 1 લાખ આપવાનું નક્કી કરવામાં આવ્યું હતું ,જોકે ફરિયાદી દ્વારા આ અંગે બનાસકાંઠા લાંચ રૂશ્વત વિરોધી શાખામાં ફરિયાદ કરવામાં આવી હતી,જે ફરિયાદને આધારે ACB દ્વારા સુરત રેલવે  સ્ટેશનના બિસ્મિલ્લાહ જ્યુસ સેન્ટર ઉપર ટ્રેપ ગોઠવી હતી,અને ફરિયાદી પાસેથી રૂપિયા 1 લાખની લાંચ સ્વીકારવા જતા PSI લલિત પુરોહિતને ACBએ રંગેહાથ ઝડપી લીધા હતા,અને સુરત ACBને હવાલે કરી દીધા હતા.ACB દ્વારા લાંચિયા અધિકારીઓ સામેની કાર્યવાહીને પગલે પોલીસ બેડામાં ફફડાટ વ્યાપી ગયો હતો,અને હાલ લલિત પુરોહિત સામે ACB દ્વારા વધુ તપાસ શરૂ કરવામાં આવી છે.   
#PSI #CGNews #police #ACB #Gujarat #bribe #Surat #bribe case
Related Articles
Read the Next Article

સુરત : બારડોલીની મહિલા જીવલેણ લેપ્ટોસ્પાયરોસીસ રોગની ઝપેટમાં આવી, આરોગ્ય તંત્ર દોડતું થયું...

દક્ષિણ ગુજરાતમાં દર વર્ષે ચોમાસાની ઋતુમાં જીવલેણ લેપ્ટોસ્પાયરોસીસ નામનો રોગ હાહાકાર મચાવે છે, ત્યારે સુરત શહેર તથા જિલ્લામાં પણ આ વર્ષે લેપ્ટોસ્પાયરોસીસમાં એક દર્દી ઝપેટમાં આવ્યો છે.

author-image
By Connect Gujarat Desk in સુરત સમાચાર
New Update

  • અતંરિયાળ વિસ્તારોમાં લેપ્ટોસ્પાયરોસીસ તરખાટ જોવા મળ્યો

  • દક્ષિણ ગુજરાતમાં ચોમાસાની ઋતુમાં હાહાકાર મચાવતો રોગ

  • જીવલેણ લેપ્ટોસ્પાયરોસીસમાં બારડોલીની મહિલા ઝપેટમાં આવી

  • મહિલાને નવી સિવિલ હોસ્પિટલ ખાતે સારવાર અર્થે ખસેડાય

  • શહેર તથા જિલ્લામાં એક દર્દી નોંધાતા આરોગ્ય તંત્ર દોડતું થયું

દક્ષિણ ગુજરાતમાં દર વર્ષે ચોમાસાની ઋતુમાં જીવલેણ લેપ્ટોસ્પાયરોસીસ નામનો રોગ હાહાકાર મચાવે છે, ત્યારે સુરત શહેર તથા જિલ્લામાં પણ આ વર્ષે લેપ્ટોસ્પાયરોસીસમાં એક દર્દી ઝપેટમાં આવ્યો છે.

ચોમાસાની ઋતુમાં દર વર્ષે દક્ષિણ ગુજરાતના અતંરિયાળ વિસ્તારોમાં લેપ્ટોસ્પાયરોસીસ તરખાટ જોવા મળતો હોય છે, ત્યારે આ વર્ષે પણ દક્ષિણ ગુજરાતના સુરત જીલ્લામાં લેપ્ટોસ્પાયરોસીસનો પ્રથમ કેસ નોંધાયો છે. બારડોલીની એક મહિલા લેપ્ટોસ્પાયરોસીસની બીમારીમાં સપડાઈ જતાં તેણીને સુરતની નવી સિવિલ હોસ્પિટલ ખાતે સારવાર અર્થે ખસેડવામાં આવી છે. અત્રે ઉલ્લેખનીય છે કે, દક્ષિણ ગુજરાત સહિત સુરતમાં વર્ષ 2023માં લેપ્ટોસ્પાયરોસીસના કુલ 5 કેસ અને ગત વર્ષ 2024માં કુલ 22 દર્દી પૈકી 5 દર્દીના મોત થયા હતા, ત્યારે હવે સુરતમાં લેપ્ટોસ્પાયરોસીસની બીમારીનો પ્રથમ કેસ દેખાતા આરોગ્ય તંત્ર પણ દોડતુ થયુ છે.

#CGNews #Monsoon Dieases #woman #Bardoli #Surat #Gujarat