સુરત: હીરા દલાલની પત્નીએ પોતાના પુત્ર સાથે ઝેરના પારખા કર્યા,પોલીસનો તપાસનો ધમધમાટ

સુરતના ઉત્રાણમાં રહેતા હીરા દલાલની પત્નીએ પોતાના ચાર વર્ષીય પુત્ર સાથે ઝેર પીને જીવતર ટૂંકાવી લેતા અરેરાટી વ્યાપી ગઈ હતી. પોલીસ દ્વારા ઘટના અંગેની તપાસ શરૂ કરવામાં આવી છે.

સુરતના ઉત્રાણ ખાતે રોયલ બીલ્સ ગ્રીન પ્લાઝાની બાજુમાં રવિ ધામત 26 વર્ષીય પત્ની પાયલ અને 4 વર્ષીય પુત્ર માહિર સાથે રહેતા હતા.બપોરે પોતાની માતા અને બહેન સાથે વિડીયો કોલ કરીને હસી મજાક કર્યા હતા,તેમજ નવરાત્રીમાં પુત્ર માટે કપડા લીધા હતા તે પણ બતાવ્યા હતા,જોકે ત્યાર બાદ પાયલે પુત્ર માહિરને ઝેરી દવા પીવડાવીને પોતે પણ પીધી હતી,અને ઉલ્ટી થવા લાગતા પતિ રવિને  ફોન કરીને બોલાવ્યો હતો,અને રવિ દ્વારા પત્ની અને પુત્રને સારવાર માટે હોસ્પિટલ ખાતે લઇ જવામાં આવ્યા હતા,જોકે માતા અને પુત્ર મોતને ભેટ્યા હતા,ઘટના અંગે ઉત્રાણ પોલીસને જાણ કરવામાં આવતા પોલીસે તપાસ શરૂ કરી હતી,અને પાયલનો મોબાઈલ ફોન પણ પોલીસે કબ્જે લઈને વધુ તપાસ શરૂ કરી છે.માતા પુત્રના આપઘાત પાછળનો ભેદ ઉકેલવા માટે પણ પોલીસ તમામ પાસા ચકાસી રહી છે.