સુરત: પોલીસ પ્લેટવાળી કારમાં દારૂની મહેફિલ, કારનાં દલાલોએ પોલીસના નામનો કર્યો ખોટો ઉપયોગ

સુરતના સરથાણા વાલક પાટીયા પાસે પોલીસ પ્લેટવાળી કારમાં બે શખ્સો દારૂની મહેફિલ માણતાં ઝડપાઇ ગયા હતા,વધુમાં હોટલમાં નાસ્તો કર્યા બાદ પોલીસ હોવાનું જણાવી પૈસા પણ ન ચુકવતા મામલો બિચક્યો હતો. 

author-image
By Connect Gujarat Desk in સુરત ગુજરાત
New Update

સુરત સરથાણામાં કારમાં દારૂની મહેફિલ

પોલીસ પ્લેટ લગાવેલી કાર માંથી મળ્યો દારૂ

બે શખ્સોએ પોલીસ હોવાની આપી ઓળખ

હોટેલમાં નાસ્તો કર્યા બાદ પૈસા પણ ન ચૂકવ્યા

સ્થાનિકો સાથે ઘર્ષણ થતાં સમગ્ર મામલો આવ્યો બહાર 

સુરતના સરથાણા વાલક પાટીયા પાસે પોલીસ પ્લેટવાળી કારમાં બે શખ્સો દારૂની મહેફિલ માણતાં ઝડપાઇ ગયા હતા,વધુમાં હોટલમાં નાસ્તો કર્યા બાદ પોલીસ હોવાનું જણાવી પૈસા પણ ન ચુકવતા મામલો બિચક્યો હતો. 

સુરતના સરથાણા વાલક પાટીયા પાસે એક કારના ડેશબોર્ડ પર પોલીસ લખેલી પ્લેટ હતી. અને આ કારમાં સવાર બે શખ્સો લોકો સાથે ખરાબ વર્તન કરતા હતા, હોટેલમાં નાસ્તો કર્યા બાદ આ બે શખ્સોએ પોતાની ઓળખ પોલીસ તરીકે આપીને પૈસા ચૂકવ્યા નહતા,અને ત્યાર બાદ સ્થાનિકો સાથે માથાકૂટ કરી હતી. સ્થાનિકોની તપાસમાં પોલીસ પ્લેટ લગાવેલી કારમાંથી બીયર સહિત વિદેશીદારૂની બોટલ મળી આવી હતી,અને કારમાં આ શખ્સો દારૂની મહેફિલ માણી રહ્યા હોવાનું બહાર આવ્યું હતું, તેથી સ્થાનિક લોકોએ વિડીયો ઉતારીને વાયરલ કર્યો હતો,જયારે પોલીસ દ્વારા પણ ગુનો દાખલ કરવામાં આવ્યો હતો,તેમજ કારમાં દારૂ પીતા શખ્સો  જયપાલસિંહ ધર્મેન્દ્રસિંહ ગોહિલ અને મેહુલ ઉર્ફે મુન્નો શાદુર સાંબડ હોવાનું જાણવા મળ્યું હતું. આ બંને શખ્સ કારની લે-વેચના ધંધા સાથે સંકળાયેલા હોવાનું બહાર આવ્યું હતું.પોલીસે બંને શખ્સો વિરુદ્ધ ગુનો નોંધી બંનેની ધરપકડ કરી હતી,અને વધુ તપાસ શરૂ કરી હતી.    

#Gujarat #CGNews #police #Surat #car #surat police #Liquor Party #Two accused Arrested
Related Articles
Read the Next Article

સુરતના એકમાત્ર “પ્લાસ્ટિક મુક્ત” અલથાણ પોલીસ સ્ટેશનનું ગૃહ રાજ્યમંત્રી હર્ષ સંઘવીના હસ્તે લોકાર્પણ કરાયું...

સુરત જિલ્લાના નાગરિકોને ઝડપી ન્યાય મળે અને સરળતાથી પોલીસ સેવા સુલભ બને તે માટે અલથાણ પોલીસ સ્ટેશનનું ગૃહ રાજ્યમંત્રી હર્ષ સંઘવીના હસ્તે લોકાર્પણ કરવામાં આવ્યું હતું.

author-image
By Connect Gujarat Desk in સુરત Featured
New Update

નાગરિકો માટે પોલીસ સેવા સુલભ બને તેવું આયોજન

સુરતનું એકમાત્ર પ્લાસ્ટિક મુક્ત અલથાણ પોલીસ સ્ટેશન

અલથાણ પોલીસ સ્ટેશનનો લોકાર્પણ કાર્યક્રમ યોજાયો

ગૃહ રાજ્યમંત્રી હર્ષ સંઘવીના વરદ હસ્તે લોકાર્પણ કરાયું

પોલીસ સ્ટેશનમાં રેઇન વોટર હારવેસ્ટિંગની વિશેષ વ્યવસ્થા

સુરત જિલ્લાના નાગરિકોને ઝડપી ન્યાય મળે અને સરળતાથી પોલીસ સેવા સુલભ બને તે માટે અલથાણ પોલીસ સ્ટેશનનું ગૃહ રાજ્યમંત્રી હર્ષ સંઘવીના હસ્તે લોકાર્પણ કરવામાં આવ્યું હતું. અલથાણ પોલીસ સ્ટેશન સુરતનું એકમાત્ર પ્લાસ્ટિક મુક્ત પોલીસ સ્ટેશન તેમજ સોલાર પાવર સિસ્ટમથી સંચાલિત છે, ત્યારે આ પોલીસ સ્ટેશનમાં રેઇન વોટર હારવેસ્ટિંગની પણ વિશેષ વ્યવસ્થા કરવામાં આવી છે.

ગૃહ રાજ્ય મંત્રી હર્ષ સંઘવીએ અલથાણ પોલીસ સ્ટેશનનું નિરીક્ષણ કર્યું હતું. ગૃહ રાજ્યમંત્રીએ રાજ્યમાં શાંતિ, સુરક્ષા સલામતીના મૂળમાં ઉત્તમ કાયદો અને વ્યવસ્થા તેમજ ન્યાયની આશામાં પોલીસ સ્ટેશને આવતા ફરિયાદી તથા આમ નગારિક નિરાશ ન થાય તેમજ નાગરિકોની સમસ્યાઓ, ફરિયાદોમાં અલથાણ પોલીસ સ્ટેશન મદદરૂપ થાય તેવી અપેક્ષા વ્યક્ત કરી હતી. આ લોકાર્પણ કાર્યક્રમમાં રાજ્ય સરકારના મંત્રી મુકેશ પટેલ, સંદીપ દેસાઈ, ધારાસભ્ય સંગીતા પાટીલ, સુરત શહેર પોલીસ કમિશનર સહિત પોલીસ અધિકારીઓ, સામાજિક આગેવાનો  સહિત મોટી સંખ્યામાં નાગરિકો ઉપસ્થિત રહ્યા હતા.