સુરત : ઘર આંગણે રમતા 2 વર્ષીય પુત્રનો ગુમ થયા બાદ ખાડીમાંથી મૃતદેહ મળી આવતા ચકચાર..!

સુરત શહેરના સચીન વિસ્તારમાં આવેલ તંલગપુર ગામમાં 2 વર્ષીય બાળક રમતા રમતા ગુમ થઇ ગયો હતો. જેનો મૃતદેહ ઘર નજીક ગટરની ખાડીમાંથી મળી આવતા ચકચાર મચી જવા પામી હતી.

author-image
By Connect Gujarat Desk in સુરત સમાચાર
New Update

  • સચીન વિસ્તારમાં આવેલ તંલગપુર ગામની ઘટના

  • 2 વર્ષીય બાળક રમતા રમતા થઇ ગયો હતો ગુમ

  • બાળક નહીં મળતા પરિજનોએ કરી હતી શોધખોળ

  • બાળકનો મૃતદેહ ઘર નજીક ખાડીમાંથી મળી આવ્યો

  • સચિન GIDC પોલીસે આગળની કાર્યવાહી હાથ ધરી

Advertisment W3.CSS

સુરત શહેરના સચીન વિસ્તારમાં આવેલ તંલગપુર ગામમાં 2 વર્ષીય બાળક રમતા રમતા ગુમ થઇ ગયો હતો. જેનો મૃતદેહ ઘર નજીક ગટરની ખાડીમાંથી મળી આવતા ચકચાર મચી જવા પામી હતી.

મળતી માહિતી અનુસાર, મૂળ ઓરીસ્સાના વતની અને હાલ સુરતના સચીન વિસ્તારમાં તંલગપુર ગામમાં રહેતા પરિવારનો 2 વર્ષીય પુત્ર શુભમ ગત સોમવારે સાંજે ઘર નજીક રમતો હતો. બાદમાં બાળક નહી જોવા મળતા તેના પરિવાર અને આજુ બાજુના લોકો ચિંતાતુર થઇ તેની શોધખોળ આદરી હતી. બાળકની શોધખોળ કરવા છતાં કોઈ ભાળ મળી ન હોવાથી પરિવારે પોલીસને જાણ કરી હતી.

જોકે, બાળક ન મળતા તે નજીકમાં આવેલી ગટરની ખાડીમાં પડી ગયો હોવાની શક્યતા વ્યક્ત કરવામાં આવી હતી. જેથી ફાયર બિગ્રેડને જાણ કરતા ફાયર ફાઇટરો તાત્કાલિક ઘટના સ્થળે પહોચી મોડી સાંજ સુધી શોધતા બાળક મળ્યો ન હતો. બાદમાં વહેલી સવારે ફાયર જવાનોએ JCB મશીનની મદદથી ખાડી પરના સિમેન્ટના ઢાંકણો ખસેડીને બાળકની શોધખોળ હાથ ધરી હતી. જેમાં મોડી સાંજે ખાડીમાંથી બાળકનો મૃતદેહ મળી આવતા પરિવારનો એકનો એક લાડકવાયો પુત્ર દુનિયામાં ન રહેતા પરિવારમાં માતમ છવાયો હતો. તો બીજી તરફ, બનાવ અંગે સચીન જીઆઈડીસી પોલીસે આગળની કાર્યવાહી હાથ ધરી હતી.

#Boy #died #CGNews #Deadbody #child #Gujarat #Son #drainage #Surat
Related Articles
Latest Stories
Read the Next Article
સુરત: બાંધકામ સાઇટ પર માતાની નજર સામે શ્વાન એક વર્ષની બાળકીને ખેંચી ગયું, પોલીસે ડ્રોન કેમેરાની મદદથી શોધખોળ શરૂ કરી

સુરત: બાંધકામ સાઇટ પર માતાની નજર સામે શ્વાન એક વર્...

સુરત: બાંધકામ સાઇટ પર માતાની નજર સામે શ્વાન એક વર્ષની બાળકીને ખેંચી ગયું, પોલીસે ડ્રોન કેમેરાની મદદથી શોધખોળ શરૂ કરી

સુરતના કામરેજના વાવ પાસે આવેલ બંસરી રિસોર્ટની બાજુમાં એક બાંધકામ સાઈટ પર ત્રાટકેલ શ્વાન માસુમ બાળકીને પકડીને ભાગી ગયો હતો.

author-image
By Connect Gujarat Desk in સુરત સમાચાર
New Update

  • સુરતના કામરેજનો ચકચારી બનાવ

  • વાવ ગામે શ્વાન બાળકીને ખેંચી ગયું

  • માતા રસોઈ બનાવતી હતી એ દરમ્યાન બની ઘટના

  • હજુ સુધી બાળકીનો કોઈ પત્તો નહીં

  • પોલીસે ડ્રોન કેમેરાની લીધી મદદ

Advertisment W3.CSS
સુરતના કામરેજના વાવ પાસે આવેલ બંસરી રિસોર્ટની બાજુમાં એક બાંધકામ સાઈટ પર ત્રાટકેલ શ્વાન માસુમ બાળકીને પકડીને ભાગી ગયો હતો.કલાકોથી પોલીસ દ્વારા માસુમ બાળકીની શોધખોળ કરવામાં આવી રહી હોવા છતાં હજુ સુધી તેની કોઈ ભાળ મળી નથી ત્યારે ડ્રોન કેમેરાની પણ મદદ લેવામાં આવી રહી છે.
સુરત જિલ્લાના કામરેજના વાવ ગામ ખાતે રહેતા આંજુભાઈ તથા તેની પત્ની તીતાબેન મજુરી કામ કરી પરિવારનું ગુજરાન ચલાવે છે તેમને સંતાનમાં માત્ર એક વર્ષની બાળકી માયા છે.હાલમાં પતિ પત્ની વાવ ખાતે આવેલ બંસરી રિસોર્ટની બાજુમાં એક બાંધકામ સાઈટમાં કામ કરે છે અને ત્યાં જ ઝુંપડું બાંધી અન્ય મજૂરો સાથે વસવાટ કરે છે. મધ્યપ્રદેશમાં વતનમાં કામ હોવાથી આંજુભાઈ કામ અર્થે વતન ગયા હતા. આ દરમિયાન પત્ની તીતાબેન ગતરોજ રાત્રે ૧૦:૦૦ વાગ્યાના અરસામાં તેની માસુમ પુત્રી સાથે ઘરે બેઠી હતી.તીતાબેન પોતાના માટે જમવાનું બનાવતા હતા ત્યારે તેની એક વર્ષની પુત્રી માયાને બાજુમાં સુવડાવી હતી. આ દરમિયાન અચાનક જ એક શ્વાન દોડીને તેમની પાસે આવ્યું હતું અને તીતાબેનની નજર સામે જ એક વર્ષની બાળકી માયાને ખેંચીને ડોટ લગાવી હતી. જેથી તીતાબેન તેની પાછળ દોડી ગયા હતા અને બૂમાબૂમ કરતા આજુબાજુમાં રહેતા ૧૦૦ થી વધુ મજૂરો પણ શ્વાનની પાછળ ડોટ મૂકી હતી. શ્વાન આજુબાજુના ખેતરોમાંથી ભાગી ગયો હતો.
પોલીસે બાળકીને શોધવા ફાયર બ્રિગેડ અને ડોગ સ્કોડની પણ મદદ દીધી હતી. સવારથી ડોગ સ્કોર્ડ પણ ઘટના સ્થળે પહોંચી શ્વાન માસુમ બાળકીને કઈ બાજુ લઈને ભાગી ગયું છે તે દિશામાં પણ તપાસ હાથ ધરી છે .છતાં હજુ સુધી બાળકીનો કોઈ પતો મળ્યો નથી.પોલીસ દ્વારા ડ્રોન કેમેરાની પણ મદદ લેવામાં આવી છે.ઝાડી ઝાંખરામાં ડ્રોન થી ચર્ચ કરવામાં આવી રહ્યું છે.ઝડપથી બાળકીનો પત્તો લાગી સહી સલામત મળે તેવી પ્રાર્થના સ્થાનિકો કરી રહ્યા છે.
#CGNews #Search operation #police #missing #Attack #dog #child #mother #Surat