સુરત : બગુમરા ગામે 2 ઇસમો કરતાં હતા ગાંજાનું વેચાણ, SOG પોલીસે ઝડપી પાડ્યા...
સુરત ગ્રામ્ય SOG પોલીસની ટીમે પલસાણા તાલુકાના બગુમરા ગામની સીમમાંથી ગાંજાના જથ્થા સાથે 2 ઇસમોની અટકાયત કરી વધુ તપાસ હાથ ધરી છે.
BY Connect Gujarat Desk4 Jan 2022 9:45 AM GMT
X
Connect Gujarat Desk4 Jan 2022 9:45 AM GMT
સુરત ગ્રામ્ય SOG પોલીસની ટીમે પલસાણા તાલુકાના બગુમરા ગામની સીમમાંથી ગાંજાના જથ્થા સાથે 2 ઇસમોની અટકાયત કરી વધુ તપાસ હાથ ધરી છે.
મળતી માહિતી અનુસાર, સુરત ગ્રામ્ય SOGની પોલીસ ટીમ પેટ્રોલીગમાં હતી. તે દરમ્યાન બાતમી મળી હતી કે, પલસાણા તાલુકાના બગુમરા ગામની સીમ નજીક ગોવિંદજી પાર્ક સોસાયટીમાં આવેલ સાઈ શ્રદ્ધા રેસિડેન્સી નીચેની દુકાન નંબર 2માં ટીનકુ તથા દિપક નામના ઈસમોએ ગેરકાયદેસર રીતે ગાંજાના જથ્થાનો સંગ્રહ કરી રાખ્યો છે. સાથે જ આ બન્ને ઇસમો ગાંજાનું છૂટક વેચાણ પણ કરે છે. જેવી ચોક્કસ બાતમીના આધારે પોલીસે સ્થળ પર દરોડા પાડ્યા હતા, ત્યારે પોલીસને બાતમીવાળા સ્થળ પરથી 35 કિલોથી વધુનો ગાંજાનો જથ્થો મળી આવ્યો હતો. હાલ તો પોલીસે બન્ને ઇસમોની અટકાયત કરી વધુ તપાસ હાથ ધરી છે. સાથે જ પોલીસે અન્ય એક ઈસમને વોન્ટેડ જાહેર કરી તેની પણ શોધખોળ આરંભી છે.
Next Story