શિયાળામાં આ હિલ સ્ટેશન અને સુંદર ખીણોનો અદભૂત નજારો જોવા અવશ્ય લો મુલાકાત

દર વર્ષે 11 ડિસેમ્બરે, સમગ્ર વિશ્વમાં આંતરરાષ્ટ્રીય પર્વત દિવસ ઉજવવામાં આવે છે. આ દિવસનો હેતુ લોકોને પર્વતીય વિસ્તારો પ્રત્યેની તેમની જવાબદારીઓ સમજવાનો છે.

દેશમાં એવી ઘણી જગ્યાઓ છે, જ્યાં તમે બરફથી ઢંકાયેલી ખીણો અને પર્વતોનો અમૂલ્ય નજારો જોઈ શકો છો. આ સુંદરતા તમને પ્રકૃતિની નજીક લાવે છે. તો ચાલો જાણીએ તે સુંદર હિલ સ્ટેશનો વિશે, જ્યાં તમે ભીડથી દૂર આરામની પળો વિતાવી શકો છો.

1. ઔલી :-

ઔલી ઉત્તરાખંડમાં આવેલું એક ખૂબ જ સુંદર હિલ સ્ટેશન છે. જ્યાં, દેશ-વિદેશના પ્રવાસીઓ મુલાકાત લેવા અને પ્રકૃતિના અદ્ભુત નજારાનો આનંદ માણવા આવે છે. અહીંની કેબલ કારની સવારી ખૂબ જ પ્રખ્યાત છે, પ્રવાસીઓ આ કારમાં બેસીને ઔલીના સુંદર નજારાનો આનંદ માણે છે. આ મુસાફરી 15-20 મિનિટ લે છે. જો તમે શિયાળામાં ફરવા માંગતા હોવ તો આ હિલ સ્ટેશનની મુલાકાત અવશ્ય લો.

2. ગુલમર્ગ :-

જમ્મુ-કાશ્મીરનું ગુલમર્ગ પણ દેશના સુંદર હિલ સ્ટેશનોમાં સામેલ છે. તેને પૃથ્વી પરનું સ્વર્ગ કહેવામાં આવે છે. શિયાળામાં હિમવર્ષા માણવા પ્રવાસીઓ આવે છે. તમે અહીં ટ્રેકિંગ, ગોલ્ફ સહિત અનેક મનોરંજક રમતોનો આનંદ માણી શકો છો.

3. ગંગટોક :-

ગંગટોક સિક્કિમ રાજ્યનું સૌથી મોટું શહેર છે. તમે અહીં ટ્રેકિંગ, પેરાગ્લાઈડિંગ, હાઈકિંગ અને માઉન્ટેન બાઈકિંગ વગેરેનો આનંદ લઈ શકો છો. તમારે શિયાળામાં ગંગટોક જવું જ જોઈએ, અહીં તમે બાન ઝાકરી, ત્સોમો તળાવ, તાશી વગેરેની મુલાકાત પણ લઈ શકો છો.

4. ચૈલ :-

ચૈલ હિમાચલ પ્રદેશનું એક નાનું હિલ સ્ટેશન છે. જો તમે શાંત જગ્યા શોધી રહ્યા છો, તો તમે આ હિલ સ્ટેશનની મુલાકાત લઈ શકો છો. અહીં પર્વતોની સુંદરતાનો આનંદ માણી શકાય છે. તેની પ્રાકૃતિક સુંદરતા તમને મંત્રમુગ્ધ કરી દેશે. ચૈલમાં બહુ ભીડ નથી.

5. દેહરાદૂન :-

તે ઉત્તરાખંડની રાજધાની છે. ગંગા-યમુના નદીઓથી ઘેરાયેલા આ હિલ સ્ટેશનને દેહરાદૂન દૂન વેલી તરીકે પણ ઓળખવામાં આવે છે. દેહરાદૂનમાં મુલાકાત લેવા માટે એક કરતાં વધુ શ્રેષ્ઠ સ્થળો છે. તમે લાચીવાલા, ટપકેશ્વર મંદિર, સહસ્ત્રધારા, રાજાજી નેશનલ પાર્ક વગેરેની મુલાકાત લઈ શકો છો. શિયાળાની રજાઓ માટે તમારે અહીં અવશ્ય મુલાકાત લેવી જોઈએ.