ઉનાળાની રજાઓમાં તમિલનાડુ જવાનું આયોજન કરી રહ્યા છો ? તો ચોક્કસપણે આ શહેરોની મુલાકાત અવશ્ય લો....

આ ઉનાળાની રજાઓ દરમિયાન, દરેક વ્યક્તિ વિચારે છે કે આ સમયગાળામાં એટ્લે કે બાળકોને પણ વેકેશન હોય તે દરમિયાન ક્યાંક ફરવા જવું. જો તમે પણ આ વેકેશનમાં તમારા પરિવાર સાથે મુલાકાત લેવાનું વિચારી રહ્યા છો, તો તમિલનાડુ તરફ જવામાટે ખૂબ જ સારો વિકલ્પ બની શકે છે. અહીંની સંસ્કૃતિ અને ઈતિહાસ દરેકને વારંવાર અહીં આવવા માટે આકર્ષિત કરે છે.

તમિલનાડુ દક્ષિણ ભારતના પ્રખ્યાત રાજ્યોમાંનું એક છે. તમિલનાડુ તેના વારસા, મંદિરો અને ઇતિહાસ માટે જાણીતું છે. આ રાજ્ય ભારતના ટોચના પર્યટન સ્થળોમાંનું એક છે. તમિલનાડુના તમામ શહેરો ઐતિહાસિક, ધાર્મિક અને કુદરતી સૌંદર્યથી સમૃદ્ધ છે. ઉનાળાની રજાઓમાં અહીંની મુલાકાત દરેક પ્રવાસીને અદ્ભુત અનુભવ આપી શકે છે. તો ચાલો જાણીએ તમિલનાડુમાં ફરવા માટેના શ્રેષ્ઠ 5 શહેરો વિશે.

મહાબલીપુરમ :-

તે એક પ્રાચીન શહેર છે જેમાં ઘણા ઐતિહાસિક સ્થળો છે, જેમ કે કિનારા મંદિર, ગણેશ રથ મંદિર અને વરાહ ગુફા મંદિર. પરિવાર સાથે મુલાકાત લેવા અને ઈતિહાસ સાથે જોડાવા માટે મહાબલીપુરમ એક ઉત્તમ સ્થળ છે.

કાંચીપુરમ :-

આ શહેર પ્રખ્યાત કાંજીવરમ સાડીઓ માટે જાણીતું છે. કાંચીપુરમમાં જોવાલાયક ઘણી જગ્યાઓ છે. આ શહેર હજારો વર્ષથી વધુ જૂનું છે અને એક સમયે તમિલનાડુના ચોલ અને પલ્લવ વંશનું શાસન હતું. કૈલાશનાથર મંદિર અને કાંચી કામાક્ષી અમ્માન મંદિર અહીં ફરવા માટે ખૂબ જ પ્રખ્યાત છે, જ્યાં હજારો લોકો દર્શન માટે આવે છે.

મદુરાઈ :-

મદુરાઈ એ તમિલનાડુના મુખ્ય શહેરોમાંનું એક છે. અહીંનું મીનાક્ષી અમ્માન મંદિર ખૂબ જ પ્રખ્યાત છે, જ્યાં દેશ-વિદેશથી લોકો દર્શન કરવા આવે છે. આ દેવી પાર્વતીના મીનાક્ષી સ્વરૂપનું મંદિર છે. આ મંદિરને મીનાક્ષી સુંદરેશ્વર મંદિર તરીકે પણ ઓળખવામાં આવે છે.

નીલગીરી હિલ્સ :-

તમિલનાડુની નીલગિરી પહાડીઓ ખૂબ જ સુંદર અને હરિયાળીથી ભરેલી છે. જો કોઈ વ્યક્તિ રજાઓમાં પહાડોની મજા લેવા માંગે છે, તો આ જગ્યા તેના માટે યોગ્ય છે. અહીંના ઉંચા પહાડો, ગાઢ જંગલો, ધોધ અને પ્રાકૃતિક સૌંદર્ય પ્રવાસીઓના દિલ જીતી લે છે.

રામેશ્વરમ :-

રામેશ્વરમ, ભગવાન શિવના 12 જ્યોતિર્લિંગોમાંનું એક, રામેશ્વર મંદિર, અગ્નિ તીર્થ, ધનુષકોડી અને પંચમુખી હનુમાન મંદિર સાથેનું મુખ્ય તીર્થસ્થાન છે. દર વર્ષે લાખો લોકો આ મંદિરના દર્શન કરવા આવે છે. આ સ્થળ તમિલનાડુના ટોચના પર્યટન સ્થળોમાંનું એક છે.

ચેન્નાઈ :-

તમિલનાડુની રાજધાની ચેન્નાઈ તેના સુંદર બીચ અને દક્ષિણ ભારતીય ખોરાક માટે જાણીતી છે. ચેન્નાઈનો મરિના બીચ ભારતનો સૌથી લાંબો બીચ છે. અહીંનો નજારો લોકોના દિલને સ્પર્શી જાય છે. દેશ-વિદેશમાંથી ઘણા લોકો તેમના પરિવાર સાથે આનંદ માણવા માટે આ બીચ પર જાય છે.