મહશિવરાત્રીના પર્વ પર મહાદેવના આશીર્વાદ મેળવવા ,ભારતના આ જાણીતા સ્થળોની મુલાકાત અવશ્ય લો...

દેવોના દેવ મહાદેવનો આ પવિત્ર આ વર્ષે મહાશિવરાત્રી 18 ફેબ્રુઆરીએ છે. આ દિવસે ભગવાન શિવ અને માતા પાર્વતીની પૂજા કરવામાં આવે છે. ધાર્મિક માન્યતાઓ અનુસાર મહાશિવરાત્રી પર ભગવાન શિવની પૂજા કરવાથી સાધકની તમામ મનોકામનાઓ પૂર્ણ થાય છે. આ દિવસે મંદિરો અને મઠોમાં ઉત્સવનો માહોલ જોવા મળે છે. મંદિરમાં મોટી સંખ્યામાં ભક્તો આવે છે. ત્યારે મહાશિવરાત્રી દરમિયાન આ મંદિરોમાં વધારે મહત્વ રહેલું છે,તો જાણો ક્યા છે તે મંદિરો...

મમલેશ્વર મંદિર :- 

જો તમે મધ્ય પ્રદેશની મુલાકાત લેવાનું વિચારી રહ્યા છો, તો તમે દેવોના દેવ મહાદેવના આશીર્વાદ મેળવવા માટે મમલેશ્વર મંદિરની મુલાકાત લઈ શકો છો. પહેલા આ મંદિર અમરેશ્વર તરીકે જાણીતું હતું. આ મંદિર 10મી સદીમાં બનાવવામાં આવ્યું હતું. મમલેશ્વર મંદિરે મોટી સંખ્યામાં ભક્તો પોતાની ફરિયાદ લઈને આવે છે. મમલેશ્વર બાબા પ્રત્યે ભક્તોની અપાર ભક્તિ છે.

મહેન્દ્રનાથ મંદિર :-

બિહારમાં આવેલું છે આ મહેન્દ્રનાથ મંદિર તમે ભગવાનના દેવ મહાદેવના આશીર્વાદ લેવા માટે મહેન્દ્રનાથ મંદિરની મુલાકાત લઈ શકો છો. આ મંદિર બિહારના સિવાન જિલ્લામાં આવેલું છે. આ મંદિર નેપાળના રાજાએ બનાવ્યું હતું. સ્થાનિક લોકોને મંદિરમાં ખૂબ જ આસ્થા છે. એવું માનવામાં આવે છે કે ભક્તની દરેક મનોકામના ચોક્કસપણે પૂર્ણ થાય છે. તમે મહાશિવરાત્રીના અવસર પર મહેન્દ્રનાથ મંદિરની મુલાકાત લઈ શકો છો.

દેવઘર :-

ઝારખંડમાં આવેલું આ પવિત્ર સ્થાન છે બાબાના દર્શન કરવા માંગો છો, તો તમે મહાશિવરાત્રીના અવસર પર બાબા નગરી બાબાધામ જઈ શકો છો. દેવઘરમાં સ્થિત બાબાધામની કથા સનાતન શાસ્ત્રોમાં અંકિત છે. શ્રાવણ મહિનામાં મોટી સંખ્યામાં ભક્તો દેવઘર બાબાના દર્શને આવે છે શિવરાત્રીના અવસર પર પણ બાબાના દર્શન કરવા માટે ભીડ ઉમટી પડે છે.

ત્ર્યંબકેશ્વર :-

બાર જ્યોતિલિંગમાનું આ મંદિર મહારાષ્ટ્રમાં આવેલું છે,મહા શિવરાત્રીના અવસર પર બાબા ભૂતનાથના દર્શન અને આશીર્વાદ લેવા ત્ર્યંબકેશ્વરની મુલાકાત લો. બાર જ્યોતિર્લિંગોમાં ત્ર્યંબકેશ્વર દસમું સ્થાન છે. ધાર્મિક શાસ્ત્રોમાં ત્ર્યંબકેશ્વરમાં કાલસર્પ અને પિતૃ દોષથી મુક્તિ મેળવવાનો વિધિવત પુજા થાય છે. ત્ર્યંબકેશ્વર ખાતે લોકો બાબા ભોલેનાથમાં અતૂટ શ્રદ્ધા ધરાવે છે.

ઓમકારેશ્વર મંદિર :-

ઓમકારેશ્વર મંદિર નર્મદા નદીના કિનારે આવેલું છે. આ મંદિર મધ્યપ્રદેશના ખંડવા જિલ્લામાં આવેલું છે. શિવપુરી નામના ટાપુ પર આવેલું ઓમકારેશ્વર મંદિર ઓમના આકારમાં બનેલું છે. ભગવાન શિવના દર્શન કરવા માટે મોટી સંખ્યામાં ભક્તો ઓમકારેશ્વર મંદિરે આવે છે. મહાશિવરાત્રી પર મંદિરને શણગારવામાં આવે છે. આ દિવસે ઓમકારેશ્વરમાં ઉત્સવનો માહોલ જોવા મળે છે. મહાદેવના દર્શન કરવા અને તેમના આશીર્વાદ મેળવવા માટે તમારે મહાશિવરાત્રી પર ઓમકારેશ્વર મંદિરની મુલાકાત લેવી જ જોઇએ.