વડોદરા : સરકારી કચેરીના દરવાજે બેલમાં આગ લાગતાં ફાયર વિભાગનું “હાસ્યાસ્પદ” ડિંગડોંગ, કલાકો બાદ કોલ મળતા કચેરીમાં કરી મુકી દોડાદોડી...

• મહાનગરપાલિકા કચેરીમાં બની હતી આગ લાગવાની ઘટના

• સ્થાયી સમિતિના ચેરમેનની ઓફિસ બહાર બેલમાં આગ લાગી

• 3 કલાક બાદ કોલ મળતા ફાયરની ટીમ કચેરીએ દોડી આવી

• અગ્નિશામકો લઈને દોડાદોડી કરી મુકતા હાસ્યાસ્પદ કામગીરી

• કલાકો બાદ ફાયર વિભાગને કોલ કોણે આપ્યો તે તપાસનો વિષય

વડોદરા મહાનગરપાલિકામાં સ્થાયી સમિતિના ચેરમેનની ઓફિસની બહાર લાગેલા બેલમાં અચાનક આગ ફાટી નીકળી હતી. જોકે, 3 કલાક બાદ કોલ મળતા ફાયર વિભાગની ટીમે કચેરીમાં દોડાદોડી કરી મુકી હતી.

વડોદરા મહાનગરપાલિકામાં સ્થાયી સમિતિના ચેરમેનની ઓફિસની બહાર જ આગનું છમકલું થયું હતું. ઓફિસની બહાર ડોરબેલ મુકવામાં આવ્યો હતો, ત્યાં અચાનક શોર્ટ સર્કિટના કારણે આગ લાગી હતી. જોકે, મહાનગરપાલિકાના કર્મચારીઓએ આ આગ ઉપર ગણતરીની મિનિટોમાં કાબૂ મેળવી લીધો હતો. પરંતુ હાસ્યાસ્પદ બાબત એ હતી કે, આ અંગેનો વડોદરા મહાનગરપાલિકાની જ ફાયર વિભાગની ટીમને 3 કલાક બાદ કોલ મળ્યો અને 3 કલાક બાદ આ ટીમ સ્થળ પર દોડી આવી હતી, જોકે, ફાયર વિભાગની ટીમ જ્યારે સ્થળ પર આવી, ત્યારે આગ કાબૂમાં આવી ગઈ હતી. પરંતુ 3 કલાક બાદ આ કોલ ફાયર વિભાગને કોણે આપ્યો તે પણ તપાસનો વિષય બન્યો છે.