વડોદરા:રણોલીમાં રાઘવ ઈન્ડસ્ટ્રીઝમાં ભારત ગેસ એજન્સીમાંથી ગેસ રિફિલિંગનું કૌભાંડ ઝડપાયું

વડોદરાના રણોલી જીઆઇડીસીમાં રાઘવ ઇન્ડસ્ટ્રીયલમાં ભારત ગેસ એજન્સીના ગોડાઉનમાંSOG  પોલીસે રેડ કરીને ગેસ રિફિલિંગ કૌભાંડનો પર્દાફાશ કર્યો હતો.

જેમાં સ્થળ પરથી ઘરેલુ ગેસના બોટલ માંથી કોમર્શિયલમાં પાઈપ વડે ગેસની ચોરી કરતા સુપરવાઇઝર અને ડ્રાઈવર સહિતના મળતિયાઓ મળી10લોકોની ધરપકડ કરાઈ હતી. ભારત તથા ઇન્ડિયનના174ઘરેલુ તથા કોમર્શિયલ ગેસના બોટલો,પાંચ ટેમ્પા રોકડ રકમ અને9મોબાઈલ સહિત રૂપિયા7.26લાખનો મુદ્દામાલ કબજે કરીને જવાહરનગર પોલીસ સ્ટેશનમાં સોંપવામાં આવ્યો છે.

વડોદરા શહેરમાં વિવિધ ગેસ એજન્સીઓ દ્વારા ઘરેલુ ગેસ ડિલિવરી કરવાની કામગીરી કરવામાં આવતી હોય છે. પરંતુ કેટલાક લાલચી સુપરવાઇઝર અને ડ્રાઈવર સહિતના મળતીયાઓ દ્વારા બોટલોમાંથી ગેસની ચોરી કરીને આ બોટલો વેચી દેવાનું રીતસરનું કૌભાંડ આચરવામાં આવતુ હોય છે. જેના પરSOGની ટીમ સતત વોચ રાખે રહે છે.

12ડિસેમ્બરના રોજ રાત્રીના સમયેSOG પીઆઈ એસ.ડી.રાત્રાની સૂચના મુજબ પોલીસની ટીમ દ્વારા વિસ્તારમાં પેટ્રોલિંગમાં ફરી રહ્યા હતા,તે દરમિયાન બાતમી મળી હતી કે જવાહર નગર રણોલી જીઆઇડીસીમાં રાઘવ ઇન્ડસ્ટ્રીયલમાં આવેલા પ્લોટ નંબર4માં ભારત શ્રીનાથજી ગેસ એજન્સીના ગોડાઉનની દિવાલોની આડમાં એજન્સીના સુપરવાઇઝર મયુદ્દીન બેલીમ ટેમ્પોને ડ્રાઇવર તથા હેલ્પરો તેમજ મળતીયા ભેગા મળીને ભારત ગેસના ઘરેલુ બોટલના સીલપેક ખોલી પાઇપ વડે ઇન્ડિયન ગેસ એજન્સીના કોમર્શિયલ ખાલી બોટલમાં ભરી ત્યારબાદ આ બોટલોને રીપેકિંગ કરીને ગ્રાહકોને સપ્લાય કરવાનું કૌભાંડ આચરવામાં આવે છે.

હાલમાં પણ આ ગેસ ચોરીની ગેરકાયદે પ્રવૃત્તિ ચાલી રહી છે. જેના આધારેSOGની ટીમે રાઘવ ઇન્ડસ્ટ્રીયલમાં ગોડાઉનમાં રેડ કરી હતી. ત્યારે સ્થળ પર ભારત ગેસના ઘરેલુ બોટલમાંથી પાઇપ દ્વારા ઇન્ડિયનના કોમર્શિયલ બોટલમાં ગેસની ચોરી કરતા10જેટલા શખ્સો ઝડપાઈ ગયા હતા.SOG પોલીસે સ્થળ પરથી ભારત ગેસના બોટલ186, ઇન્ડિયન ગેસના કોમર્શિયલ બોટલ આઠ, રિફિલિંગ કરવાના સાધનો, વજનકાંટા પાંચ, અંગજડતી માંથી મળી આવેલા રોકડા રૂપિયા, મોબાઈલ9, થ્રી વ્હીલર ટેમ્પો પાંચ ડિલિવરી ચલણ184મળી રૂપિયા7.26લાખનો મુદ્દામાલ કબજે કરી જવાહર નગર પોલીસને સોંપવામાં આવ્યો છે.