વડોદરા: ગુજરાતના જાણીતા કન્ઝ્યુમર એક્ટિવિસ્ટ પુરૂષોત્તમ મુરજાણીએ અંતિમ પત્ર લખીને કર્યો આપઘાત

વડોદરામાં આત્મહત્યાની ચકચારી ઘટના

કન્ઝ્યુમર એક્ટિવિસ્ટે પોતાના લમણે ગોળીમારી કર્યો આપઘાત

1330 શબ્દોમાં લખેલી સ્યુસાઇટ નોટ વોટ્સમાં કરી શેર

માનેલી દીકરી અને તેની માતાના ત્રાસથી ભર્યું અંતિમ પગલું

પોલીસ દ્વારા સ્યુસાઇટ નોટને આધારે શરૂ કરી તપાસ

વડોદરાના જાણીતા કન્ઝ્યુમર એક્ટિવિસ્ટ અને ધાર્મિક અગ્રણી પુરૂષોત્તમ મૂરજાણીએ શુક્રવારે પોતાના  બંગલામાં જ પોતાની જ રિવોલ્વોરથી ગોળી છોડીને આપઘાત કરી લેતા ચકચાર મચી ગઇ છે.તેમણે અંતિમ પગલું ભરતા પહેલા અંતિમ પત્ર પણ લખ્યો હતો.

વડોદરા શહેરમાં લાંબા સમયથી અનેક ગ્રાહકોને ન્યાય અપાવનાર અને ગ્રાહક સુરક્ષાના એક્ટીવીસ્ટ પુરુષોત્તમ મુરજાણીએ પોતાની રિવોલ્વરથી લમણે ગોળી મારી આત્મહત્યા કરી હોવાની ચકચાર ઘટના બની છે.

જોકે આત્મહત્યા કરતા પહેલા તેમણે એક સ્યૂસાઇડ નોટ લખી હતી.જેમાં તેમની માનેલી દીકરી કોમલ સિકલીગર અને તેની માતા સંગીતા સીકલીગરના અતિશય ત્રાસથી કંટાળી તેમણે અંતિમ પગલું ભર્યું હોવાનો ઉલ્લેખ કર્યો છે.

અંતિમ પગલું ભરતા પહેલા તેમણે 1330 શબ્દોમાં સ્યુસાઇડ નોટ લખી હતી,જેમાં તેઓએ લખ્યું હતું કે, શહેરના ચકચારી કેસ જેમાં સી.એ અશોક જૈન અને બિલ્ડર નવલ ઠક્કરની જેવી હાલત કરી તેવી હાલત કરવાની માનેલી દીકરી અને તેની માતા દ્વારા ધમકી આપવામાં આવી હોવાનો પણ ઉલ્લેખ કરાયો છે. આ ઉપરાંત તેઓએ ચોંકાવનારી બાબતોનો ઉલ્લેખ સ્યુસાઇટ નોટમાં કર્યો છે.

આ ઘટના અંદાજીત રાતના સાડા નવથી દસ વાગ્યાની વચ્ચે વાઘોડીયા રોડ સ્થિત નારાયણ ડુપ્લેક્ષ ખાતે તેમના નિવાસ સ્થાને બની હોવાની પ્રાથમિક માહિતી મળી રહી છે.સમગ્ર ઘટના અંગે પોલીસ દ્વારા સ્થળ તપાસ તેમજ સ્યુસાઇટ નોટના આધારે તપાસનો ધમધમાટ શરૂ કરવામાં આવ્યો છે.