વડોદરા રેલ્વે યાર્ડના મેમુ કાર શેડની બાજુમાં ઉંચાઇવાળી પાણીની ટાંકીના બેઝમેન્ટમાંથી પોલીસને સંગ્રહ કરી રાખેલ ભારતીય બનાવટની બીયરનો જથ્થો મળી આવ્યો હતો, ત્યારે આ મામલેLCB તથા વડોદરા રેલ્વે પોલીસ (GRP) દ્વારા વધુ તપાસ હાથ ધરવામાં આવી હતી. જેમાં પ્રોહિબિશનના ગુન્હામાં ફરાર એક શખ્સની પોલીસે ધરપકડ કરી કાયદેસરની કાર્યવાહી હાથ ધરી છે.

અધિક પોલીસ મહાનિર્દેશક પરીક્ષિતા રાઠોડ ગુ.રા. અમદાવાદ તથા પોલીસ અધિક્ષક અભય સોની સાહેબ પશ્ચિમ રેલ્વે, વડોદરા તથા નાયબ પોલીસ અધિક્ષક વડોદરા વિભાગ, વડોદરા દ્વારા આગામી તહેવારોને ધ્યાનમાં રાખીને "મીશન કલીન સ્ટેશન" અંતર્ગત રેલ્વે ટ્રેનોમાં તથા રેલ્વે હદ વિસ્તારમાં થતી ગેરકાયદેસર વિદેશી દારૂની હેરાફેરી અટકાવવા તથા આવી અસામાજીક પ્રવૃત્તી સાથે સંકળાયેલ ઇસમોને પકડી તેઓ વિરુદ્ધ કાયદેસરની કાર્યવાહી કરી પ્રોહિબિશનની પ્રવૃત્તી નેસ્ત નાબુદ કરવા કડક સુચનાઓ આપવામાં આવી હતી.

જે અનુસંઘાને વડોદરા રેલ્વે પોલીસ સ્ટેશન પાર્ટ'સી' ગુ.ર. નં.-0458/2025 પ્રોહિબિશન એક્ટ કલમ-65 (e), 116 (b), 81,108 મુજબના ગુન્હાના કામે ગત તા. 03/09/2025’ના રોજ મેમુ યાર્ડ વિસ્તારમાંથી ભારતીય બનાવટની બીયરના ટીન કુલ નંગ 2304, જેની કુલ કિંમત 05,06,880 રૂપિયાની મત્તાના કુલ 1152 લીટર બીયરનો જથ્થો મળી આવ્યો હતો. આ સંદર્ભે રેલ્વે વિભાગમાં પોઇન્ટસમેન તરીકે ફરજ બજાવતા રેલ્વેના જ કર્મચારી 33 વર્ષીય રૂબીન ઉર્ફે કટ્ટે યુસુફમિયા બાપુમિયા શેખ નામનો વ્યક્તિ ગુન્હો કર્યા બાદ પોલીસ પકડથી દૂર નાસતો-ફરતો હતો, ત્યારે આ સદંર્ભે પોલીસ ઈન્સ્પેકટર જે.ઝેડ.વસાવાની સુચના અને માર્ગદર્શન મુજબ પોલીસની એક ટીમની રચના કરવામાં આવી હતી.

પોલીસ ઇન્સ્પેકટર જે.ઝેડ.વસાવા, પોલીસ સબ ઇન્સ્પેકટર એસ.ડી.ભટ્ટ, HC ઇમરાનભાઇ ઇકબાલભાઇ, HC ભાર્ગવકુમાર પંકજભાઇ, ASI પર્વતસિંહ વીરસીંગભાઇ, PC ઉમેશકુમાર વીરસીંગભાઇ, ASI ફિરોજખાન નશીબખાન, PC નરેશકુમાર ગણેશભાઇ, ASI રાકેશ જગન્નાથ અનેLR કૌશલ મહેશભાઇએ પ્રશંસનીય કામગીરી કરી બતાવી છે. આ પોલીસ ટીમ દ્વારા વડોદરાની સરદારનગર રેલ્વે કોલોનીમાં રહેતા અને ફરાર શખ્સ રૂબીન ઉર્ફે કટ્ટે યુસુફમિયા બાપુમિયા શેખને ગત તા. 14/09/2025’ના રોજ સરદારનગર રેલ્વે કોલોની પાસેથી ઝડપી પાડી તેના વિરુદ્ધ કાયદેસરની કાર્યવાહી કરવામાં આવી છે.