વડોદરા: કરજણ મામલતદાર કચેરીમાં અચાનક મધમાખી ઉડતા સર્જાઈ નાસભાગ

• કરજણ મામલતદાર કચેરીનો બનાવ 

• મધમાખીનું ઝુંડ ઉડતા સર્જાઈ અફરાતફરી 

• કચેરીમાં લોકોમાં ભયનો ભયનો માહોલ સર્જાયો 

• ચાર થી પાંચ લોકો થયા ઘાયલ 

• 108 દ્વારા ઇજાગ્રસ્તોની કરાઈ સારવાર  

વડોદરા જિલ્લાના કરજણ તાલુકા સેવા સદનમાં અચાનક મધમાખી ઉડતા ભાગદોડ મચી ગઈ હતી.મધપૂડા માંથી એકાએક મધમાખી ઉડતા ત્યાં હાજર લોકોમાં અફરાતફરી મચી હતી. જેના કારણે લોકો ઓફિસમાં દરવાજા બંધ કરીને પુરાઈ ગયા હતા.

વડોદરા જિલ્લાના કરજણ ખાતે મધમાખીના આતંકનો અનેક વ્યક્તિઓ ભોગ બન્યા હતા.વડોદરાના કરજણ ખાતે સેવા સદનની બિલ્ડીંગમાં મધમાખીએ પોતાનો મધપૂડો બનાવ્યો હતો.જ્યાંથી એકાએક મધમાખીઓ ઉડતા તેનાથી બચવા નાસભાગ થઈ ગઈ હતી.જોકે,મધમાખીઓનો આતંક વધતા કર્મચારીઓએ કચેરીના દરવાજા બંધ કરી પોતે અંદર પુરાઈ ગયા હતા.સમગ્ર નાસભાગ દરમિયાન ત્રણથી ચાર લોકોને મધમાખીએ ડંખ મારતા ઈજાગ્રસ્ત થયા હતા.ઘણા લોકો મધમાખીના ડંખથી બચવા માટે માથે પ્લાસ્ટિક તેમજ ન્યૂઝ પેપર,રૂમાલ ઓઢીને નીકળતા જોવા મળ્યા હતા.

સમગ્ર ઘટના દરમિયાન તાત્કાલિક ધોરણે 108 બોલાવવામાં આવી હતી.108 આવ્યા બાદ ઘાયલ દર્દીઓની સારવાર અંગે જરૂરી કાર્યવાહી કરી મધમાખીને દૂર કરવાનો પ્રયાસ કરવામાં આવ્યો હતો.જોકે,મધમાખીના આતંકના કારણે ઘણા કલાકો સુધી કચેરીનું કામકાજ બંધ રહ્યું હતું.તેમજ ત્યાં હાજર લોકોને ભારે હાલાકીનો સામનો કરવો પડ્યો હતો.