BBC Documentary Row : BBC એ 'જેહાદી દુલ્હન' પર બનાવી ડોક્યુમેન્ટરી, બ્રિટનમાં ભારે વિરોદ્ધ, જાણો સમગ્ર મામલો..!

પીએમ મોદી પર વિવાદાસ્પદ ડોક્યુમેન્ટ્રી બનાવનાર BBCની સામે હવે નવી મુશ્કેલીઓ ઊભી થઈ છે. બીબીસીએ હવે 'જેહાદી દુલ્હન' પર ડોક્યુમેન્ટ્રી બનાવી છે. આ અંગે વિવાદ શરૂ થયો છે. આ ડોક્યુમેન્ટ્રીનું નામ 'ધ શમીમા બેગમ સ્ટોરી' રાખવામાં આવ્યું છે. આને લઈને બ્રિટનમાં મોટા પાયે વિરોધ શરૂ થયો છે. લોકો બીબીસીનું સબ્સ્ક્રિપ્શન રિન્યુ ન કરવાની વાત કરી રહ્યા છે.

હકીકતમાં 2015માં બ્રિટનમાં રહેતી શમીમા બેગમ નામની 15 વર્ષની છોકરી સીરિયા ભાગી ગઈ હતી. અહીં તે ઈસ્લામિક સ્ટેટ (IS)માં જોડાઈ હતી. અહીં તેણે આઈએસ ફાઈટર સાથે લગ્ન કર્યા. આ પછી આખી દુનિયા તેને 'જેહાદી દુલ્હન'ના નામથી ઓળખવા લાગી.

શમીમાના માતા-પિતા બાંગ્લાદેશી મૂળના છે. શમીમા બેગમ IS માં જોડાયા બાદ રાષ્ટ્રીય સુરક્ષાના આધારે 2019 માં યુકે સરકારે તેમની નાગરિકતા છીનવી લીધી હતી. આ દરમિયાન સીરિયામાં ISનો વિનાશ શરૂ થયો. હવે 23 વર્ષની શમીમા બેગમ યુકે પરત ફરવા માંગે છે પરંતુ સરકાર તેને મંજૂરી આપી રહી નથી. તેના બ્રિટન પરત ફરવા અંગે પણ કોર્ટમાં કેસ ચાલી રહ્યો છે.

હવે શમીમા પ્રત્યે સહાનુભૂતિ દર્શાવતા બીબીસીએ 90 મિનિટની ડોક્યુમેન્ટ્રી રિલીઝ કરી છે. એવું કહેવાય છે કે બીબીસીએ પોતાની ડોક્યુમેન્ટ્રીમાં બતાવ્યું છે કે શમીમા સીરિયા જવાના નિર્ણયથી દુખી છે. આ અંગે લોકોમાં રોષ જોવા મળી રહ્યો છે. બ્રિટનના લોકોનું કહેવું છે કે આતંકવાદીના સમર્થનમાં આવી ડોક્યુમેન્ટ્રી બનાવીને બીબીસી હિંસાને પ્રોત્સાહન આપવા માંગે છે.

બીબીસીની આ ડોક્યુમેન્ટ્રી પર ભારે વિરોધ શરૂ થયો છે. લંડનમાં બીબીસીની ઓફિસમાં પણ લોકોએ વિરોધ પ્રદર્શન કર્યું હતું. હવે લોકો એમ કહી રહ્યા છે કે તેને બીબીસીનું સબસ્ક્રીપ્શન રદ કરાવશે. બ્રિટનના લોકોનું કહેવું છે કે બીબીસીએ એક ષડયંત્ર હેઠળ આવી ડોક્યુમેન્ટ્રી બનાવી છે. બીબીસી આના દ્વારા આતંકવાદના ગ્લેમરને પ્રોત્સાહન આપી રહ્યું છે. તે એક આતંકવાદીને હીરો તરીકે રજૂ કરી રહી છે.

શમીમા બેગમ બ્રિટનમાં રહેતી હતી. 15 વર્ષની ઉંમરે, તેણી ફેબ્રુઆરી 2015 માં, તેણીના બે મિત્રો સાથે યુકેથી સીરિયા ભાગી ગઈ હતી. અહીં ત્રણેયએ આઈએસ લડવૈયા સાથે લગ્ન કર્યા હતા. ત્રણ વર્ષથી વધુ સમયથી શમીમા સીરિયામાં આઈએસના લડવૈયાઓ સાથે રહેતી હતી. આ દરમિયાન તે જેહાદી દુલ્હનના નામથી પણ ફેમસ થઈ ગઈ હતી.