ડોનાલ્ડ ટ્રમ્પની મુશ્કેલીઓ ફરી વધી, વ્હાઇટ હાઉસના ભૂતપૂર્વ સ્ટાફનો આરોપ - મહિલાઓ સાથે કરતા હતા ગેરવર્તન

અમેરિકાના ભૂતપૂર્વ રાષ્ટ્રપતિ ડોનાલ્ડ ટ્રમ્પ અને વિવાદો એકસાથે ચાલે છે. ટ્રમ્પ કોઈને કોઈ વિવાદનો હિસ્સો બનતા રહે છે. ટ્રમ્પને તાજેતરમાં જ લેખક જીન કેરોલ પર યૌન શોષણ માટે દોષિત ઠેરવવામાં આવ્યા છે. હવે વ્હાઇટ હાઉસમાં ટ્રમ્પના સ્ટાફની બે મહિલાઓએ પણ તેમના પર ગેરવર્તનનો આરોપ લગાવ્યો છે. ટ્રમ્પ એડમિનિસ્ટ્રેશનનો હિસ્સો રહેલા એક વરિષ્ઠ પ્રશાસકે દાવો કર્યો છે કે ટ્રમ્પ એક મહિલા કર્મચારીમાં વધુ પડતો રસ ધરાવતા હતા અને મહિલાઓ સાથે ખુલ્લેઆમ ગેરવર્તન કરતા હતા.

ટ્રમ્પ એડમિનિસ્ટ્રેશનમાં વ્હાઇટ હાઉસની સ્ટાફની બે મહિલાઓએ આરોપ લગાવ્યો છે કે ટ્રમ્પે તેમનું યૌન શોષણ કર્યું હતું. એક ટેલિવિઝન ઈન્ટરવ્યુ દરમિયાન તેણે આ આરોપો લગાવ્યા હતા. ટ્રમ્પના પ્રેસિડેન્ટ દરમિયાન વ્હાઇટ હાઉસની પ્રેસ સેક્રેટરી સ્ટેફની ગ્રીશમ અને એલિસા ફરાહ ગ્રિફિન, જેઓ વ્હાઇટ હાઉસની સલાહકાર હતી, એવો આક્ષેપ કર્યો હતો કે ટ્રમ્પ મહિલાઓ સાથે ગેરવર્તન કરે છે અને વ્હાઇટ હાઉસના તમામ વરિષ્ઠ સ્ટાફને આ વાતની જાણ હતી.