પાકિસ્તાન : તોશાખાના કેસમાં ઈમરાન ખાન અને પત્ની બુશરા બીબીને 14 વર્ષની સખત કેદની સજા, કોર્ટે દંડ પણ ફટકાર્યો

રાવલપિંડીની વિશેષ અદાલતે બુધવારે તોશાખાના કેસમાં પાકિસ્તાનના પૂર્વ વડાપ્રધાન ઈમરાન ખાન અને તેમની પત્ની બુશરા બીબીને કડક સજાની જાહેરાત કરી છે.તોષાખાના કેસમાં વિશેષ અદાલતે દંપતીને 14-14 વર્ષની જેલની સજા ફટકારી હતી.

આ સાથે કોર્ટે પીટીઆઈના સંસ્થાપક ઈમરાન ખાનને 10 વર્ષ સુધી કોઈપણ જાહેર પદ પર રહેવા માટે અયોગ્ય જાહેર કર્યા છે. તે જ સમયે, વિશેષ અદાલતે બંને આરોપીઓ પર 78.70 કરોડ રૂપિયા અને સામૂહિક રીતે 158.30 કરોડ રૂપિયાનો દંડ પણ લગાવ્યો હતો.

તોશાખાના કેસમાં વિશેષ અદાલતનો નિર્ણય સામાન્ય ચૂંટણીના આઠ દિવસ પહેલા બુધવારે આવ્યો હતો. વિશેષ અદાલતના ન્યાયાધીશ મુહમ્મદ બશીરે આજે ચુકાદો સંભળાવ્યો.