આતંકી અબ્દુલ રહેમાન મક્કીનું હાર્ટ એટેકના કારણે થયું મોત

આતંકવાદી અબ્દુલ રહેમાન મક્કીનું હાર્ટ એટેકથી મૃત્યુ થયું છે. 2003માં સંયુક્ત રાષ્ટ્રે મક્કીને વૈશ્વિક આતંકવાદી જાહેર કર્યો હતો અને તે લશ્કર-એ-તૈયબાનો નાયબ ચીફ અને આતંકવાદી હાફિઝ સઈદનો સાળો હતો.

પાકિસ્તાનમાં વોન્ટેડ લશ્કરના આતંકવાદી હાફિઝ અબ્દુલ રહેમાન મક્કીનું મોત થયું છે. મક્કી લશ્કર-એ-તૈયબા (LeT)નો નાયબ વડા અને હાફિઝ મોહમ્મદ સઈદનો સંબંધી હતો. અહેવાલો અનુસાર, હાર્ટ એટેકના કારણે મક્કીનું હોસ્પિટલમાં મૃત્યુ થયું હતું.

મક્કીને વર્ષ 2023માં સંયુક્ત રાષ્ટ્ર દ્વારા વૈશ્વિક આતંકવાદી જાહેર કરવામાં આવ્યો હતો, જે અંતર્ગત તેની સંપત્તિ જપ્ત કરવામાં આવી હતી. આ સિવાય મક્કી પર મુસાફરી અને હથિયારો પર પ્રતિબંધ લાદવામાં આવ્યો હતો.

હાફિઝ અબ્દુલ રહેમાન મક્કીનું શુક્રવારે હૃદયરોગના હુમલાથી નિધન થયું હતું. તે મુંબઈ હુમલાના માસ્ટરમાઈન્ડ આતંકવાદી હાફિઝ સઈદનો સાળો અને પ્રતિબંધિત જમાત-ઉદ-દાવાના ડેપ્યુટી ચીફ હતો.

જમાત-ઉદ-દાવા (JUD) અનુસાર, અબ્દુલ રહેમાન મક્કી છેલ્લા કેટલાક દિવસોથી બીમાર હતા અને લાહોરની એક ખાનગી હોસ્પિટલમાં હાઈ ડાયાબિટીસની સારવાર લઈ રહ્યા હતા. JUDના એક અધિકારીએ પીટીઆઈને જણાવ્યું હતું કે, 'મક્કાને આજે સવારે હાર્ટ એટેક આવ્યો અને હોસ્પિટલમાં તેનું મૃત્યુ થયું.'

જેયુડીના વડા હાફિઝ સઈદના સાળા મક્કીને વર્ષ 2020માં પાકિસ્તાનની આતંકવાદ વિરોધી અદાલતે આતંકવાદી ભંડોળના કેસમાં 6 મહિનાની જેલની સજા ફટકારી હતી. મળતી માહિતી મુજબ મક્કીએ ટેરર ​​ફંડિંગ કેસમાં સજા સંભળાવ્યા બાદ તેની ગતિવિધિઓ ઓછી કરી દીધી હતી. પાકિસ્તાન મુતાહિદા મુસ્લિમ લીગ (PMML) એ એક નિવેદનમાં કહ્યું કે મક્કી પાકિસ્તાની વિચારધારાનો સમર્થક હતો.

આતંકવાદી મક્કીના પારિવારિક સૂત્રોએ જણાવ્યું છે કે શુક્રવારે સાંજે મુરીદકેના તૈયબા મરકઝમાં જનાજાની નમાજ અદા કરવામાં આવશે, ત્યારબાદ તેને દફનાવવામાં આવશે.

ડિસેમ્બર મહિનામાં પાકિસ્તાની આતંકવાદી જૂથોને મોટો ઝટકો લાગ્યો છે. 10 ડિસેમ્બરે પીઓકેના મુઝફ્ફરાબાદમાં આતંકવાદી અબ્દુલ અઝીઝ અલ્વીનું મૃત્યુ થયું હતું, જ્યારે 23 ડિસેમ્બરે રાવલકોટમાં આતંકવાદી શકીલ-ઉર-રહેમાન આદિલનું મોત થયું હતું અને આજે એટલે કે શુક્રવારે લશ્કરના આતંકવાદી અબ્દુલ રહેમાન મક્કીનું મુરીદકેની હોસ્પિટલમાં મોત થયું હતું.