26 વર્ષના યુવકની બેગમાંથી મળી આવી 800 વર્ષ જૂની 'ગર્લફ્રેન્ડ', પેરુના આ કિસ્સાએ સૌને ચોંકાવી દીધા..!

તમને નવાઈ લાગી, નહીં? પરંતુ પેરુમાં કંઈક આવું જ બન્યું છે. અહીં 26 વર્ષના ફૂડ ડિલિવરી બોયની બેગમાંથી 800 વર્ષ જૂની મમી મળી આવી છે. મમીને હાડપિંજ જોઈને પોલીસે પૂછપરછ કરી તો ફૂડ ડિલિવરી બોયએ ચોંકાવનારી વાત કહી. તેણે કહ્યું કે તે મારી આધ્યાત્મિક ગર્લફ્રેન્ડ છે. હાલ પોલીસે મમી કબજે કરી તપાસ શરૂ કરી છે.

પેરુની પોલીસે મંગળવારે 26 વર્ષીય જુલિયો સેઝર બર્મેજોની અટકાયત કરી હતી. જુલિયો ફૂડ ડિલિવરી કંપનીમાં કામ કરે છે. પોલીસે તેની બેગમાંથી લગભગ 600 થી 800 વર્ષ જૂની મમી (માનવ હાડપિંજર) મળી આવ્યું હતું. મમી એ જ બેગમાં હતી જે જુલિયો લોકોના ઘરે ખોરાક પહોંચાડતો હતો.

પોલીસની પૂછપરછમાં તેણે ચોંકાવનારી વાત કહી. તેણે દાવો કર્યો હતો કે તેના પિતાએ આ મમી 30 વર્ષ પહેલા કોઈની પાસેથી ખરીદી હતી અને ઘરે લાવ્યા હતા. ફૂડ ડિલિવરી બોયએ તેનું નામ 'જુઆનિતા' રાખ્યું. આનો એક વીડિયો પણ વાયરલ થઈ રહ્યો છે. આમાં જુલિયો કહેતો જોવા મળે છે કે જુઆનીતા (મમ્મી) મારી સાથે મારા રૂમમાં ઘરે રહે છે. તે મારી સાથે સૂવે છે અને હું તેની સંભાળ રાખું છું. તે મારી આધ્યાત્મિક પ્રેમી છે. તે તેના મિત્રોને બતાવવા જઈ રહ્યો હતો.

આ મુદ્દે પેરુના સંસ્કૃતિ મંત્રાલયનું નિવેદન આવ્યું છે. મંત્રાલયે જણાવ્યું હતું કે પ્રી-હિસ્પેનિક અવશેષો 'મમીફાઈડ પુખ્ત પુરૂષ' હતા. જે સંભવતઃ પુનોના પૂર્વ વિસ્તારનો હતો. આ સ્થળ લિમાના દક્ષિણપૂર્વમાં લગભગ 1,300 કિલોમીટર (800 માઇલથી વધુ) દૂર છે.

મંત્રાલયના એક નિષ્ણાતે કહ્યું, 'તે મમી જુઆનીતા નથી પરંતુ તે જુઆન છે. જે વ્યક્તિ પાસે આ હાડપિંજર છે તેની ઉંમર ઓછામાં ઓછી 45 વર્ષની હતી. તે પટ્ટીમાં લપેટી હતી. સાંસ્કૃતિક મંત્રાલયે જણાવ્યું હતું કે, સંરક્ષણના હેતુથી મમીફાઈડ અવશેષો કબજામાં લેવામાં આવ્યા છે.