વાઘોડિયાના જરોદ હાઇવે પરથી વિદેશી દારૂના જથ્થા સાથે અમદાવાદનું દંપતિ ઝડપાયું

બે વર્ષથી અમદાવાદના બાપુનગરમાં વિદેશી દારૂના વેપલા સાથે સંકળાયેલું છે દંપતિ

વાઘોડિયા તાલુકાના જરોદ હાઈવે પરથી વાઘોડિયા પોલિસે તવેરા ગાડીમાં હેરા ફેરી કરતા અમદાવાદના પતિ - પત્નીને વિદેશી દારૂના જથ્થા સાથે ઝડપી પાડયા હતા. પ્રાપ્ત માહિતી અનુસાર વાઘોડિયા પોલીસને મળેલી બાતમીના આધારે જરોદ હાઈવે પરથી અમદાવાદ પાર્સીંગની તવેરા ગાડીમાં હેરાફેરી કરતા અમદાવાદના પતિ - પત્નીને વિદેશી દારૂના જથ્થા સાથે ઝડપી પાડયા હતા.

આ દંપતી છેલાં બે વર્ષથી અમદાવાદના બાપુનગરમાં વિદેશી દારૂના વેપલા સાથે સંકળાયેલું હોવાનું પ્રાથમિક તપાસમાં બહાર આવ્યું હતું. આ વિદેશી દારૂ બલયાં પાસેથી લઈને અમદાવાદ ખાતે બાપુનગર લઈ જવાઈ રહ્યો હતો પરંતુ વાઘોડિયા પોલીસે દંપતિના રંગમાં ભંગ પાડયો હતો વિદેશી દારૂનો જથ્થો અમદાવાદ પહોંચે એ પહેલા જ વાઘોડિયા પોલીસના હાથે આ દંપતિ ઝડપાઈ જવા પામ્યું હતું. પતિ - પત્નીના નામ વીનોદભાઈ વ્યાસ તેમજ લતાબેન વીનોદભાઈ વ્યાસ હોવાનું પ્રાથમીક તપાસમાં જાણવા મળ્યું હતું.