જાણોઃ કોણ હશે 'સ્ટુડન્ટ ઓફ ઘ યર'ની સિક્વલનો હીરો?

ફિલ્મ મેકર કરણ જોહરે સોમવારે વર્ષ 2012ની હીટ ગયેલી ફિલ્મ 'સ્ટુડન્ટ ઓફ ધ યર'ની સિક્વલ બનાવવાની જાહેરાત કરી હતી.કરણ ના જણાવ્યા અનુસાર ફિલ્મની સિક્વલમાં ટાઇગર શ્રોફ મુખ્યભૂમિકા ભજવશે.

આ વાત કરણે ટ્વિટરના માધ્યમથી જણાવી હતી. કરણે 'સ્ટુડન્ટ ઓફ ધ યર'ના સિકવલમાં ટાઇગરને લેવાની વાત પણ કરી હતી.

ટાઇગર શ્રોફ હાલમાં પોતાની ફિલ્મ 'ફ્લાઇંગ જટ'ની રીલિઝ માટે રાહ જોઇ રહ્યો છે. ટાઇગરે 'સ્ટુડન્ટ ઓફ ધ યર'ની સિક્વલમાં પસંદગી બદલ ખુશી વ્યક્ત કરી હતી.

2012માં રિલીઝ થયેલી 'સ્ટુડન્ટ ઓફ ધ યર' દ્વારા વરૂણ ધવન, સિધ્ધાર્થ મલહોત્રા અને આલિયા ભટ્ટે ફિલ્મ જગતમાં પ્રવેશ કર્યો હતો. આજે ત્રણેય ટોચના સ્થાન પર છે.

સિધ્ધાર્થ મલહોત્રા પણ સિક્વલની આતુરતાથી રાહ જોઇ રહ્યો છે. તેણે પણ આ અંગે ટ્વિટ કરીને જણાવ્યું હતું.

ધર્મા પ્રોડક્શન અને શાહરૂખ ખાનના પ્રોડક્શન બેનર રેડ ચીલી હેઠળ તૈયાર થનારી ફિલ્મનું ડાયરેક્શન પુનિત મલહોત્રા કરશે.