સુરત : ઓલપાડ-મૂળદ ગામના યુવકની અમેરિકામાં અજાણ્યા શખ્સોએ ગોળી મારી કરી હત્યા

New Update
સુરત : ઓલપાડ-મૂળદ ગામના યુવકની અમેરિકામાં અજાણ્યા શખ્સોએ ગોળી મારી કરી હત્યા

સુરત જિલ્લાના ઓલપાડ તાલુકાના મૂળદ ગામના એક આશાસ્પદ યુવાનની અમેરિકામાં ગોળી મારી હત્યા કરી દેવામાં આવતા ચકચાર મચી જવા પામી છે.

Advertisment

સુરત જિલ્લાના ઓલપાડ તાલુકાના કીમ નજીક આવેલ મૂળદ ગામના પટેલ પરિવારનો પુત્ર જય છેલ્લા ૧૫ વર્ષથી અમેરિકામાં રહે છે. જય પટેલ નસાઉ યુનિવર્સિટીમાં બિઝનેસ સ્ટુડન્ટ હતો. ગત રોજ બહાર નીકળતા અચાનક જ કેટલાક અજાણ્યા શખ્સોએ ગોળી મારી તેની હત્યા કરી મોતને ઘાટ ઉતાર્યો હતો. લાલ કલરની કારમાં આવેલ શખ્સોએ તેને છાતીમાં ગોળી મારી હતી. આ શખ્સો નજીકના સીસીટીવી કેમેરામાં કેદ થઇ ગયા હતા. જેમાં પોલીસને લાલ કલરની કાર દેખાઈ આવે છે. આથી પોલીસે સીસીટીવીના આધારે તપાસ હાથ ધરી અજાણ્યા શખ્સોને ઝડપી પાડવાની કવાયત હાથ ધરી છે.

Advertisment
Read the Next Article

ભરૂચ: જિલ્લા કક્ષાનો સ્વાગત કાર્યક્રમ કલેકટર ગૌરાંગ મકવાણાની અધ્યક્ષતામાં યોજાયો, 33 અરજીઓનો કરાયો નિકાલ

નાગરિકોની વ્યક્તિગત-સામૂહિક ફરિયાદો, અરજીઓ તેમજ સુચનોને સરકારી અધિકારીઓ સુધી પહોંચાડી તેનું તાત્કાલિક, પારદર્શક અને સંતોષકારક નિરાકરણ લાવવમાં આવે છે.

New Update
1

જિલ્લા કક્ષાનો સ્વાગત કાર્યક્રમ કલેકટર ગૌરાંગ મકવાણાની અધ્યક્ષતામાં યોજાયો

ભરૂચ કલેક્ટર કચેરી ખાતે જિલ્લા કલેક્ટર ગૌરાંગ મકવાણાના  અધ્યક્ષસ્થાને જિલ્લા સ્વાગત કાર્યક્રમ યોજાયો હતો. સ્વાગત કાર્યક્રમના માધ્યમથી જિલ્લાના નાગરિકો અને વહીવટી તંત્ર વચ્ચે સીધો સંપર્ક સ્થાપિત કરીને નાગરિકોની વ્યક્તિગત-સામૂહિક ફરિયાદો, અરજીઓ તેમજ સુચનોને સરકારી અધિકારીઓ સુધી પહોંચાડી તેનું તાત્કાલિક, પારદર્શક અને સંતોષકારક નિરાકરણ લાવવમાં આવે છે.જિલ્લા સ્વાગત કાર્યક્રમ દરમિયાન નાગરિકોએ વિવિધ પ્રકારના ૩૩ પ્રશ્નો અને અરજીઓ રજૂ કરી હતી. આ તમામ પ્રશ્નો અંગે અરજદારોને સાંભળી જિલ્લા, સંબંધિત વિભાગોના અધિકારીશ્રીઓની ઉપસ્થિતિમાં રૂબરૂ ચર્ચા કરી સ્થળ પર તાત્કાલિક નિરાકરણ લાવી અરજદારોને સંતોષકારક જવાબ આપી અરજીનો નિકાલ કરવામાં આવ્યો હતો.
જિલ્લા સ્વાગત કાર્યક્રમમાં જિલ્લા વિકાસ અધિકારી યોગેશ કાપસે, નિવાસી અધિક કલેક્ટર એન.આર.ધાધલ, જિલ્લા પોલીસ અધિક્ષક મયુર ચાવડા સહિત સંબંધિત વિભાગોના અમલીકરણ અધિકારીઓ અને અરજદારો ઉપસ્થિત રહ્યા હતા.
Advertisment
Advertisment
Latest Stories