ભરૂચ જીલ્લા કવિઠા ગામ ખાતે મૂર્તિ પ્રતિષ્ઠા મહોત્સવ યોજાશે

B.A.P.S સ્વામિનારાયણ મંદિરમાં બે દિવસ ધાર્મિક કાર્યક્રમો થકી લોકો ધર્મના રંગે રંગાશે

ભરૂચ જીલ્લાનાં કવિઠા ગામ ખાતે B.A.P.S સ્વામિનારાયણ સંસ્થાનું ભવ્ય મંદિર નિર્માણ કરવામાં આવ્યુ છે. આ મંદિરનાં તા – ૧૦ અને ૧૧મીનાં રોજ મૂર્તિ પ્રાણ પ્રતિષ્ઠાના કાર્યક્રમો યોજાશે. જેનાં પ્રગટ બ્રહમ સ્વરૂપ પ.પૂ. પ્રમુખ સ્વામી મહારાજે પ્રતિષ્ઠિત કરેલ મૂર્તિઓની સ્થાપના વિધી સદગુરૂવર્ય પ.પૂ.ઈશ્વર ચરણ સ્વામીનાં હસ્તે કરવામાં આવશે.

તા – ૧૦-૦૪-૨૦૧૬ રવિવારનાં રોજ સવારે ૮ કલાકે વિશ્વ શાંતિ મહાયાગ તેમજ બપોરનાં ૩ કલાકે શોભાયાત્રા યોજાશે, જયારે તા – ૧૧મીના રોજ સવારે ૮ કલાકે મૂર્તિ પ્રતિષ્ઠા વિધી, ૧૦ કલાકે પૂર્તિ પ્રતિષ્ઠા સભા અને ત્યારબાદ બપોરનાં ૧૨ કલાકે મહાપ્રસાદીનો લ્હાવો લેવા ધર્મભિની જનતાને આમંત્રણ પાઠવવામાં આવ્યુ છે.