ભારતીય સોશિયલ મીડિયા પ્લેટફોર્મ કૂ હવે બંધ થઈ ગયું છે. કૂના સ્થાપક અપ્રેમ્યા રાધાકૃષ્ણ અને મયંક બિદાવતકાએ આ નિર્ણયની જાહેરાત કરી હતી. આ એપ માઇક્રો-બ્લોગિંગ સાઇટ Twitter (હવે X) સાથે સ્પર્ધા કરવા માટે 2020માં લોન્ચ કરવામાં આવી હતી. સ્થાપકોએ જણાવ્યું હતું કે, ભાગીદારીની નિષ્ફળતા, અણધારી મૂડી બજારો અને ઉચ્ચ તકનીકી ખર્ચને કારણે આ નિર્ણય લેવામાં આવ્યો છે..
સ્થાપકોએ કહ્યું, ‘અમે X/Twitter કરતાં ઘણા ઓછા સમયમાં વૈશ્વિક સ્તરે સ્કેલેબલ પ્રોડક્ટ બનાવી છે, જેમાં બહેતર સિસ્ટમ્સ, એલ્ગોરિધમ્સ અને મજબૂત હિતધારક-પ્રથમ ફિલોસોફી છે.‘ અમારી ટીમ દરેક મુશ્કેલ સમયમાં અમારી સાથે રહી છે
તમને જણાવી દઈએ કે કૂ પાસે લગભગ 2.1 મિલિયન (21 લાખ) દૈનિક સક્રિય વપરાશકર્તાઓ અને 10 મિલિયન (1 કરોડ) માસિક વપરાશકર્તાઓ હતા, જેમાં 9000થી વધુ VIPનો સમાવેશ થતો હતો.
