અમદાવાદ : એક જ દિવસમાં નોંધાયા 50 કોરોના પોઝિટિવ કેસ, વહીવટી તંત્ર થયું દોડતું
રાજ્યમાં કોરોના પોઝિટિવનો આંક દિવસે ને દિવસે વધી રહ્યો છે ત્યારે અમદાવાદમાં આજે એક જ દિવસમાં કોરોનાના 50 પોઝિટિવ કેસ નોંધાયા છે. જેને લઈને વહીવટી તંત્ર દોડતું થઈ ગયું છે.
ગુજરાત રાજ્ય આરોગ્ય વિભાગના જણાવ્યા અનુસાર, ગઈ રોજ રાતથી આજે સવાર સુધીમાં કોરોનાના 50 જેટલા પોઝિટિવ કેસ નોંધાયા છે. ઉપરાંત એસવીપી હોસ્પિટલમાં સારવાર લઈ રહેલા 48 વર્ષીય દર્દીનું મોત નીપજ્યું હોવાનું પણ સામે આવ્યું છે, ત્યારે કોરોનાના કુલ 55 જેટલા નવા કેસ પોઝિટિવ નોંધાયા છે. જેમાં 50 કેસ માત્ર અમદાવાદમાં નોંધાયા છે.
જ્યારે સુરતમાં 2 કેસ, દાહોદ, આણંદ અને છોટાઉદેપુરમાં 1-1 કેસ નોંધાયો છે. એક જ દિવસમાં આટલા કેસો અમદાવાદીઓ માટે લાલબત્તી સમાન છે, ત્યારે હવે લોકોએ જાગૃત થવાની તાતી જરૂરિયાત છે. લોકડાઉનનો ચુસ્ત અમલ કરી ઘરમાં સુરક્ષિત રહેવા વહીવટી તંત્રે અપીલ કરી છે.
ગુજરાતમાં કુલ 241 પોઝિટિવ કેસ, 17ના મોત
શહેર પોઝિટિવ કેસ મોત ડિસ્ચાર્જ અમદાવાદ 133 06 08 સુરત 25 04 05 વડોદરા 18 02 06 ભાવનગર 18 02 01 ગાંધીનગર 13 00 02 રાજકોટ 11 00 04 પાટણ 05 01 00 પોરબંદર 03 00 00 ગીર-સોમનાથ 02 00 00 કચ્છ 02 00 00 મહેસાણા 02 00 00 છોટાઉદેપુર 02 00 00 આણંદ 02 00 00 મોરબી 01 00 00 પંચમહાલ 01 01 00 જામનગર 01 01 00 સાબરકાંઠા 01 00 00 દાહોદ 01 00 00 કુલ આંકડો 241 17 26