અમદાવાદ-વડોદરા એકસપ્રેસ હાઇવે પર ટ્રિપલ અકસ્માતમાં 3 લોકોના મોત, 15 ઈજાગ્રસ્તો સારવાર હેઠળ...

• અમદાવાદ-વડોદરા એકસપ્રેસ હાઇવે પર સર્જાયો અકસ્માત

• લકઝરી બસ, કાર અને ટ્રક વચ્ચે સર્જાયો ટ્રિપલ અકસ્માત

• ગંભીર અકસ્માતમાં 3 લોકોના મોત, 15 લોકો ઈજાગ્રસ્ત થયા

• તમામ ઘાયલોને તાત્કાલિક સારવાર અર્થે હોસ્પિટલ ખસેડાયા

• કણભા પોલીસે અકસ્માત મામલે આગળની તપાસ હાથ ધરી

અમદાવાદ-વડોદરા એકસપ્રેસ હાઇવે પર કણભા પાસે ટ્રિપલ અકસ્માત સર્જાતા 3 લોકોના મોત થયા છે, જ્યારે 15 ઈજાગ્રસ્તોને સારવાર અર્થે હોસ્પિટલ ખસેડવામાં આવ્યા હતા.

મળતી માહિતી અનુસાર, અમદાવાદ-વડોદરા એકસપ્રેસ હાઇવે પર કણભા નજીક ખાનગી ટ્રાવેલ્સની લકઝરી બસ અને કાર અથડાતા બન્નેના ચાલકો વાહનમાંથી નીચે ઉતરી સમાધાન રકઝક કરતા હતા. તે સમયે જ પાછળથી આવતી ટ્રકે લક્ઝરી બસને જોરદાર ટક્કર મારી હતી. બસને ટક્કર વાગતા જ પાછળની સીટમાં બેઠેલા 3 મુસાફરોના મોત થયા હતા, જ્યારે 15 ઈજાગ્રસ્તોને સારવાર અર્થે હોસ્પિટલ ખસેડવામાં આવ્યા હતા. તો બીજી તરફ, સમગ્ર મામલે કણભા પોલીસે ગુનો નોંધી આગળની તપાસ હાથ ધરી છે.